TU NATUA-TUA
7: Nilai Moral
LAPATANNA
Nilai moral, i ma pedoman tingkah laku na ikkon taihutton. Contohna, berupaya do hamu asa toktong jujur? Molo songon i, tottu hamu pe lomo do rohamuna asa gabe halak na jujur ianakkonmuna.
Molo adong do nilai moral ni sasahalak pasti adong do etikana. Contohna, pasti dipikkirhon ibana do halak na asing, ringgas jala adil. Sude sifat on ikkon dilatih do sian mulai na gelleng.
NA DIDOK BIBEL: “Ajar-ajari ma anakmu asa mardalan ibana di dalan na ikkon sidalananna. Dang na lao manirpang ibana sian i sahat tu na matua.”—Poda 22:6.
BOASA PENTING ON
Di jaman teknologi saonari on, penting do nilai moral na denggan. Sahalak ina na margoar si Karyn mandok, “Pengaruh na so denggan boi do i sian akka alat elektronik jala manang sadihari pe. Di labbungnami do nian ianakkonnami hundul, hape boi dang diboto hami, akka na so denggan do hape na ditonton nasida!”
NA DIDOK BIBEL: “Halak na magodang . . . gabe tarlatik ma ibana mamboto dia na sittong dohot na sala.”—Heber 5:14.
Penting do adong etika. Termasuk ma on tata krama (contohna mandok “tolong” dohot “mauliate”) jala mamikkirhon halak na asing. Saonari godang do halak dang adong be etikana. Alana unjotjotan do nasida mamparrohahon akka alat elektronik unang apala mamparrohahon halak na asing.
NA DIDOK BIBEL: “Jala aha na dihalomohon rohamuna bahenon ni halak tu hamu, ikkon songon i do bahenonmuna tu nasida.”—Lukas 6:31.
NA BOI DIULAHON HAMU
Ajarhon ma akka nilai moral. Contohna hasil penelitian patuduhon, molo dung diajari natua-tuana ianakkonna taringot na sala do mangulahon seks andorang so menikah, pasti dung remaja nasida dang ulahononna i.
CARANA: Tikki paboahon taringot nilai moral hamu tu ianakkonmuna, boi do dihatai hamu taringot berita na baru masa. Contohna, molo adong berita taringot pembunuhan, boi do didokkon hamu, “Boasa adong jolma songon i jahat na ate? Menurutmu boasa songon i ibana?”
“Maol do dakdanak manottuhon dia na sittong dohot na sala molo dang hea dipaboa taringot i tu nasida.”—Si Brandon.
Ajarhon ma sopan santun. Dakdanak na gelleng pe, boi do marsiajar mandok “tolong” dohot “mauliate” jala mamikkirhon halak na asing. Bukku Parenting Without Borders mandok, “Molo diboto dakdanak do molo nasida bagian sian keluarga, sikkola dohot masyarakat pasti diulahon nasida do akka na bermanfaat tu na asing dang holan tu dirina sandiri.”
CARANA: Lehon ma tu ianakkonmuna aha na boi diurupi nasida di jabu, asa diboto nasida penting do mangurupi halak na asing.
“Molo jotjot dakdanak mangurupi di jabu, pasti diboto nasida do aha na ikkon diulahon nasida tikki dang rap be dohot natua-tuana. Alana, nga somal nasida mangulahon i.”—Si Tara.
