PARA TAATIICHA
8. Ambakiti ejemplu íntspini
¿AMBE ARHIKUEKASÏNI?
Ambakiti ejemplu ma íntspini, arhikuekasïndi ísï úni eska ma na jorhentpijka. Taati ma no uaati erokuarhini eska uájpa méntkisï jurhimbitku uandantaaka enga ima arhiska eska uandaaka eska no jarhaska, nomasi para no kurhakuarhini.
“Uánikua kʼuiripu uandasïndi: ‘Ú ambe engani uandajka ka no ambe engani újka’. Joperu inde ambe no marhuasïndi sapiicha jingoni. Sapiichaksï iámindu ambe exesïndi ka jorhenguarhisïndiksï, ísïistiksï eska esponjeecha engaksï iámindu ambe antsitajka. Engachi jucha jorhendaaska ambe ma ka máteru ambe úni, imeechaksï exeati ka arhiatijtsïni” (David).
BIBLIERI KARAKATA: “Tʼu engari jorhentpijka eska no sésiiska sïpatspeni, ¿andiresï tʼujtu sïpatspejki?” (Roma 2:21).
¿ANDISÏ JUKAPARHAKUE?
Sapiichaksï sánderu ísï jámasïndi eska taati jémbeecha ka eska imeecha engaksï jingoni eskuelarhu jámajka, asta jiáni engaksï na tumbi sapirhatiijkia. I ambe arhikuekasïndi eska chá engajtsï taatiika, chájtsïsï uaaka ambakiti xanharu jimbo paani, joperujtsï jatsiska para chaari ejemplu jingoni jorhendaani.
“Úpiringachi uánikua xanhari arhiani ambe ma juchaari sapiichani ka no seguru jarhani eskajtsïni imeecha kurhajchaxaka, joperu engachi no ísï úska ambe ma eskachi na uandaaka, jirejiresïjtsïni arhiati. Iámindu ambeksï exeni jarhasïndi engachi xáni újka, nájkirukaksï no xarhatajka” (Nicole).
BIBLIERI KARAKATA: “Ima kʼuiripu enga Tata Diosïiri jánhaskakua jatsika, [...] no ísku apariisti” (Santiago 3:17, TNM).
¿AMBEJTSÏ UAA ÚNI?
Kurhamarhikuarhi je: “¿Néna kámasïni juchiiti uarhiitini o acheetini ka juchiiti sapiichani? ¿Na járhati programeechani exeasïni? ¿Na járhati amiguechani jatsiaski? ¿Pendienti pásïni máteruechani jimbo?”. ¿Uékapirintsï eskaksï chaari sapiicha májkueni jámapiringa eska chá?
“Ni juchiiti acheeti ni ji, arhiajki juchaari sapiichani eskaksï imani ambe uaaka engachi jucha no újka” (Christine).
Kurhakua je máteruechani eskaksïni puáchentaaka. Sapiichaksï mítesti eskaksï taatiicha no perfektueska. Ísï jimbo, engajtsï arhiska chaari uarhiitini o acheetini o chaari sapiichani eskaksïni puáchentaaka, jorhendaani jauakajtsï eska jukaparhakueska jurhimbitku jámani ka kaxumbitiini.
“Engachi no sési uaaka ambe ma jatsiskachi para jiókuarhini ka kurhajkuarhini eskajtsïni puáchentaaka, jimboka engachi no ísï úska, juchaari sapiichaksï no jorhenguarhiati ísï úni” (Robin).
“Juchaari sapiichaksï imani ambe uaati engachi jucha újka, ísï jimbo kánikua jukaparhakuesti juchaari ejemplu, jimbokaksï indeni ambesï exeni jarhajti. Juchaari ejemplu, ísïisti eska libru ma enga méntku pʼirakukata jarhajka para jorhentpini chúrikua ka jurhiakua” (Wendell).
