NAACÜGÜCAꞌ
10: Iaicümacü iĩü̃
TAꞌACÜTCHIGA NIĨ I NGEMA?
Duü̃ü̃gü iaicümacü iĩü̃ mugüga naĩnüe, norü unetagü nayanguẽẽ rü ore i aicumaü̃ guü̃ma nüü̃ niu. Rü ngẽmacaꞌ norü papagü rü norü namücügü rü norü yoragü nümagü rü nagu nayaõgü.
TÜꞌCÜÜ̃ NAME NIĨ I NGEMA?
Ngẽguma cunaweꞌgu iacümacü iĩü̃ rü togü i duü̃ü̃gü cugu nayaõgü.
“Tchi cunawaꞌe na curü papagü cugu nayaõgü weꞌguacüma nanaü tama i nhuguacürica urü ngẽguma curü papagü cuna nangaicamagu.” — Sarahi.
TUPANAARÜ ORE RÜ NHANAGÜRÜ: “¡Mea naxü i guxü̃ma i ngẽma cumaxã nüxü̃ chixuxü̃, nax ngẽmaãcü guxü̃ i duü̃xü̃gü nüxü̃ daugüxü̃ca̱x nax guxü̃ i ngunexü̃gu yexeraãcü mea Tupanaca̱x nax cumaxü̃xü̃!” — 1 Timúteu 4:15.
TAꞌACÜ TÁ CUÜÜ̃?
Cunawaꞌe na duü̃ü̃gü yeera cugu nayaõgü urü wenaarü cugu nayaõgü? Nhaã ucuꞌẽgü cuü̃ narüngü̃ẽẽ tá:
Guü̃guma aicumaü̃ nidea. Tama nagu nayaõ i teé doraü̃ niu. Ngẽguma tchieü̃ cuügu rü aicumaü̃ quidea taꞌacü ngupetütchiga togü i duü̃ü̃gü cugu nayaõgü.
“Natautcha niĩ i aicumaü̃ quidea ngẽguma guü̃ma meãma nangupetügu. Notürü, ngẽguma tchieü̃acüma cunaügu tama natautcha na aicumaü̃ nideaü̃caꞌ. Woo ngema nangupetügu to i duü̃ü̃gü cugu nayaõgüama tchi aicumaü̃ quidea.” — Caiman.
TUPANAARÜ ORE RÜ NHANAGÜRÜ: “Rü ngẽmaca̱x i ñu̱xma nax Cristuarü pixĩgüxü̃ rü tama name nax pidorata̱a̱xgüxü̃. Natürü name nixĩ i wüxichigü rü tümamücümaxã aixcümaxü̃ tixu.” — Epéchiucü̃ãꞌ 4:25.
Meã nayanguẽẽ i curü puracü. Wüi i nguꞌe i Estados Unidoswa nüü̃ naweꞌ na 78% i puracütanüü̃güarü nüü̃ niu na nanawaꞌe meã nayanguẽẽ taꞌacü naü na nayauü̃caꞌ i puracü. Rü ngẽmacaꞌ, name niĩ meã nayanguẽẽ i curü puracü i nhuꞌma na ngẽguma cuyagu, marü íname tá.
“Ngẽguma meã tchananguẽẽgu i tchorü puracü ĩpataü̃wa rü tchorü papagü rü yeraãcü tchagu nayaõgü.” — Sarah.
TUPANAARÜ ORE RÜ NHANAGÜRÜ: “Rü cuxca̱x chanaxümatü i ñaa popera erü nüxü̃ chacua̱x nax aixcüma chauga cuxĩnüxü̃ rü tá cunaxüxü̃ i ngẽma cuxna naxca̱x chacaxü̃arü yexera.” — Firemú 21.
Yana namaã naĩnü. Guãma i yiema nüü̃ idawenü ngẽguma ngetüꞌücü nayagu. Notürü, tama nüü̃ icuaꞌgü tchi meã nayanguẽẽ i norü puracü.
“Nacaꞌ papagü rü togü i duü̃ü̃gü cugu nayaõgü, rü meã cunayanguẽẽ i curü puracü i tama i nhuguacürica, notürü guü̃guma. Ngemaãcü nümagü cugu nayaõgütchigü.” — Brandon.
TUPANAARÜ ORE RÜ NHANAGÜRÜ: “Rü yáxna pexĩnüe ega guxchaxü̃ pexca̱x ínguxgu.” — Corochacü̃ãꞌ 3:12.
