KA VASWA
Ya wu 10: Tsumbeka
LEZVI ZVI WULAKO ZVONA
A vanhu vo tsumbeka va tsumbiwa hi vapswali, hi vanghana, ni vatholi vabye. Va ingisa milayo, va tatisa lezvi va tsumbisako niku contlhe cikhati va wulawula lisine.
HIKUYINI ZVI NGA ZVA LISIMA?
Ka zvikhati zvo tala a kutlhatlheka loku u nyikwako ku yelana nguvhu ni lezvi u tsumbekisileko zvona hi cikhati co kari.
“A ndlela ya yi nene ya ku maha vapswali va wena va ku tsumba ku komba lezvaku u na ni kupima ku nene ni ku maha lezvi u byeliwako, na ku nga hi ntsena a cikhati leci u nga navo kanilezvi ni cikhati u nga wece.” — Sarahi.
TSHINYA GA NAYO GA BHIBHILIYA: ‘Ti hloleni wutsumbu ga n’wina.’ — 2 Va Le Korinte 13:5.
LEZVI U NGA MAHAKO
Kani u lava ku tsumbiwa nguvhu kutani ku va tlhela va vhuxetela ku kutsumba, a tindlela ti landzelako ti nga ku vhuna.
Wulawula lisine. A vanhu a ve nge ku tsumbi loku u randza kuva munhu wo randza ku hemba. A cikhati leci mu bhulako, loku u tsumbeka u nga fihli zva wumunhu ga wena, nguvhunguvhu zvihoxo zva wena, zvi ta maha van’wani va ku tsumba.
“Zva olova kutsumbeka loku a zvilo zvi famba khwatsi. Kanilezvi loku u tsumbeka hi ku wula zvilo zva hava u mahileko, zvi ta maha van’wani va engetela ku ku tsumba.” — Caiman.
TSHINYA GA NAYO GA BHIBHILIYA: “Na hi xuva kuva hi tsumbeka ka zvilo zvontlhe.” — Mahebheru 13:18, Tradução do Novo Mundo.
Tsumbeka: Ka cigondzo co kari ci mahilweko le Estados Unidos, ku wonekile ku loku a vatholi va lava ku thola munhu va lava loyi a tsumbekako. A ku gondza ku tsumbeka zvi ta ku vhuna loku u maha wa hombe.
“A vapswali va mina va zvi wona loku ndzi maha lezvi zvi rindzelwako ka mina na zvi nga lavi ku va ndzi cuwukela. Laha ndzi yako ndzi maha lezvo va engetela ku ndzi tsumba.” — Sarah.
TSHINYA GA NAYO GA BHIBHILIYA: ‘Na ndzi tsumba a kuingisa ka wena, lezvaku u ta maha ni ku hundza lezvi ndzi zvi wulako.’ — Filemoni 21.
Vana ni lihlazva-mbilu. Zva olova ku a van’wani va zvi wona ku hi lehile kutani hi na ni ntamu, kanilezvi a ku a mapimo ya hina ma tiyela kutani ahihi a zvi tekeli ku woneka.
“Kasi ku a vapswali va wena ni van’wani va ku tsumba zvi teka cikhati niku zvi lava ku ti karata. Kanilezvi u nga alakanyi ku va ta ku tsumba hi kuva u mahile nchumu wun’we basi wa wu nene, u fanele ku simama ku ti karatela ku maha zvin’wani.” — Brandon.
TSHINYA GA NAYO GA BHIBHILIYA: ‘Ambalani . . . lihlazva-mbilu.’ — Va Le Kolosi 3:12.
You May Also Like
TIVHIDHIO TA ZVIBHONEKANA
Ndzi nga bhulisa kuyini ni vapswali va mina?
U nga bhulisa kuyini ni vapswali va wena hambu loku u nga zvi lavi ku wulawula?
