សម្រាប់យុវវ័យ
១២ គោលដៅ
តើមានន័យយ៉ាងណា?
គោលដៅមិនមែនជាក្ដីស្រមៃទេ ពោលគឺអ្វីមួយដែលអ្នកចង់ឲ្យកើតឡើង។ គោលដៅពិតប្រាកដរួមបញ្ចូលគម្រោង ការចេះបត់បែន និងការខំប្រឹងព្យាយាម។
គោលដៅអាចសម្រេចក្នុងរយៈពេលខ្លី (ប៉ុន្មានថ្ងៃ ប៉ុន្មានសប្ដាហ៍ ឬប៉ុន្មានខែ) និងរយៈពេលវែង (មួយឆ្នាំ ឬលើសពីនោះ)។ គោលដៅសម្រេចក្នុងរយៈពេលវែងអាចសម្រេចបានដោយឆ្លងកាត់គោលដៅរយៈពេលខ្លី។
ហេតុអ្វីសំខាន់?
ការសម្រេចគោលដៅអាចធ្វើឲ្យអ្នកកាន់តែមានទំនុកចិត្ត ពង្រឹងចំណងមិត្តភាពជាមួយអ្នកឯទៀត និងមានសុភមង្គលកាន់តែច្រើន។
ការមានទំនុកចិត្តលើខ្លួនឯង៖ ពេលអ្នកមានគោលដៅតូចៗ ហើយសម្រេចគោលដៅទាំងនោះបាន អ្នកនឹងមានទំនុកចិត្តថាអ្នកអាចសម្រេចគោលដៅធំៗដែលពិបាកជាង។ អ្នកក៏កាន់តែមានទំនុកចិត្ត ពេលប្រឈមមុខនឹងការពិបាកក្នុងជីវិតប្រចាំថ្ងៃដូចជា ការបង្ខិតបង្ខំពីមនុស្សស្រករគ្នា។
មិត្តភាព៖ មនុស្សចូលចិត្តនៅជាមួយអ្នកណាដែលមានគោលដៅ ពោលគឺអ្នកដែលដឹងថាពួកគេចង់ធ្វើអ្វី និងដឹងថាត្រូវធ្វើអ្វីដើម្បីសម្រេចបាន។ លើសពីនេះទៀត ការសេពគប់ជាមួយអ្នកដែលមានគោលដៅដូចគ្នាគឺជាវិធីដ៏ល្អមួយដើម្បីពង្រឹងចំណងមិត្តភាព។
សុភមង្គល៖ ពេលអ្នកមានគោលដៅ និងសម្រេចគោលដៅទាំងនោះ អ្នកទទួលអារម្មណ៍ថាបានសម្រេចអ្វីមួយ។
យុវជនម្នាក់ឈ្មោះគ្រិស្តតូហ្វើប្រាប់ថា៖ «ខ្ញុំជាមនុស្សដែលចូលចិត្តមានគោលដៅ។ គោលដៅធ្វើឲ្យខ្ញុំជាប់រវល់ ហើយឲ្យខ្ញុំមានហេតុបន្តខំប្រឹងព្យាយាម។ ម្យ៉ាងទៀត ពេលយើងបានសម្រេចគោលដៅណាមួយ យើងមានអារម្មណ៍ថា ‹អស្ចារ្យណាស់! ខ្ញុំពិតជាធ្វើបានមែន។ ខ្ញុំធ្វើបានសម្រេចហើយ›»។
គោលការណ៍គម្ពីរ៖ «អ្នកណាដែលសង្កេតមើលតែខ្យល់ អ្នកនោះនឹងមិនសាបព្រោះគ្រាប់ពូជទេ ហើយអ្នកណាដែលមើលតែពពក អ្នកនោះក៏មិនច្រូតប្រមូលផលដែរ»។—អ្នកទូន្មាន ១១:៤
អ្វីដែលអ្នកអាចធ្វើ
សូមធ្វើតាមយោបល់ទាំងនេះដើម្បីមានគោលដៅនិងសម្រេចគោលដៅរបស់អ្នក។
ជ្រើសរើសគោលដៅ។ សូមធ្វើបញ្ជីអំពីគោលដៅផ្សេងៗ ហើយរៀបតាមលំដាប់ ដោយជ្រើសរើសថាមួយណាអ្នកចង់សម្រេចទី១ ទី២ ទី៣ និងបន្តបន្ទាប់។
ធ្វើគម្រោង។ សម្រាប់គោលដៅនីមួយៗ សូមធ្វើដូចតទៅនេះ៖
-
កំណត់ពេលសមហេតុផលមួយ។
-
ធ្វើតាមជំហានផ្សេងៗ។
-
គិតអំពីឧបសគ្គ ហើយរកវិធីដើម្បីយកឈ្នះ។
អនុវត្ត។ សូមកុំរង់ចាំរហូតដល់អ្នកមានព័ត៌មានទាំងអស់ទើបចាប់ផ្ដើម។ សូមសួរខ្លួនអ្នកថា ‹មុនបង្អស់ តើខ្ញុំអាចធ្វើអ្វីដើម្បីសម្រេចគោលដៅរបស់ខ្ញុំ?› រួចមកសូមធ្វើ។ សូមតាមដានភាពរីកចម្រើនរបស់អ្នកកាលដែលអ្នកសម្រេចជំហាននីមួយៗ។
គោលការណ៍គម្ពីរ៖ «គម្រោងរបស់មនុស្សឧស្សាហ៍នឹងបានជោគជ័យជាមិនខាន»។—សុភាសិត ២១:៥
លោកអ្នកក៏ប្រហែលជាចូលចិត្តដែរ
ទស្សនៈពីមនុស្សស្រករប្អូន
ខេមរិនបានរកឃើញជីវិតដ៏មានន័យខ្លឹមសារបំផុត
តើប្អូនចង់មានជីវិតដែលមានន័យខ្លឹមសារឬទេ? សូមស្ដាប់ប្អូនស្រីខេមរិនរៀបរាប់នូវរបៀបដែលនាងបានរកឃើញជីវិតដ៏គាប់ចិត្តនៅកន្លែងដែលនាងមិននឹកស្មាន។
