Wat’s duu ine gedanke häst taum måke is feel mër as air dröömen urer ain wünsch. Dårtau must dij anstrenge inrichte un gewoont ware.

Wat wij ine gedanke häwe taum måken kan sin dat wij dat måkt krijge in pår dåg urer in wek weeke lang. Sin uk wek daile wat wij ine gedanke häwe taum måken wat wij måkt krijge in wek månats, un sin dai wat wij bloos måke krijge nå ain jår urer nog mër. Groot daile wat wij häwe ine gedanke taum måken kan sin dat wij dat måkt krijge doir kläner daile.

Måkt krijge wat’s duu ine gedanke häst, däit dijne ümgang mit dai andrer stärke un däit dij helpe sich mër forlåten un fröölig befijne.

Up sich selwst forlåte: Wen’s duu kläner daile måkt krijgst wat’s duu ine gedanke häst dat giwt dij forlåten taum gröter daile måken. Dat giwt dij mër sicherhët taum dag for dag dai swårhëte doirsete, soo as dat andrijwen fon dai andrer.

Gaure ümgang: Jërer ainsig wil gërn mit lüür t’hoop sin wat ine gedanke häwe wat sai måke wile un daue sich dårtau anstrenge. Denk ais, wen’s duu un air anerd mësch dai neemlige daile ine gedanke häwe taum måken un daue juuch t’hoop anstrenge dårtau, dat kan juuch ümgang stärke.

Frööligkët: Wen’s duu måkt krijgst wat’s duu ine gedanke häst, den däist duu dij gaud befijne.

“Ik häw gërn wat ine gedanke taum måken. Weegen den häw ik ümer wat taum måken un wen’s duu måkt krijgst wat’s duu ine gedanke harst is sër gaud trööguut kijke un säge: ‘Woo gaud! Ik häw kreege wat ik wul!’” - Christopher

WAT SÄGT DAI BIJBEL? “Wee nå dem wind kijke däit ströögt ni, un wee nå dai wolke kijke däit ërnt ni.” (Eclesiastes 11:⁠4)

Sai nuu wek daile wat’s duu måke kast, taum måkt krijge wat’s duu ine gedanke häst.

Dau uutsuike. Måk ain list mit dai daile wat’s duu ine gedanke häst taum måken. Dau dat airst uutsuike wat’s duu måke wilst, nåheer dat twait, dai drür un soo wijrer.

Dau dij inrichte. Tau jërer dail wat’s duu måke wilst, måk dit:

• Dau dij ain tijd uutsuike woo’s duu wirklig glööwe däist dat’s duu dat måkt krijgst.

• Dau daile inrichte wat’s duu måke must dårtau.

• Dau andenke an dai swårhëte wat upkåme koine un wosoo dai oiwerståe.

Tijd taum wat måken. Duu bruukst ni jërer klair dail inrichte airer as duu anfänge däist. Dau dij fråge: ‘Wat is dat airst dail wat ik måke mut taum måkt krijge wat ik ine gedanke häw?’ Den dau dat airst dail måke un dau saie wat’s duu al bet nuu hen måkt kreege häst taum foirwärtsgåen dai andrer daile måke.

WAT SÄGT DAI BIJBEL? “Dem wirtschaftige mësch sij uutdenken, däit wat gaures ruutergeewe.” (Provérbios 21:⁠5)