Can munashcata pajtachinaca mana shuj yuyaillachu cana can. Ashtahuanpish can munashcata pajtachingapajca sinchitami trabajana, alli planificana minishtirin, ima shina pajtachinatapishmi ricuna cangui.

Can charishca metacunata pajtachingapajca maipica semanacuna, quillacuna, huatacunatami minishtingui. Metacunata pajtachingapajca cada punllami esforzarina cangui.

Can munashca metacunata pajtachishpaca:

Canllapitajmi confianzata charingui. Uchilla metacunata pajtachinata yachashpaca, jatun metacunatapish pajtachinatami valingui. Shinallataj ima llaquicuna ricurijpipish chaitaca mishai tucunguimi. Shujtajcuna mana allita rurachun animachunpish mana saquinguichu.

Caishujhuan chaishujhuanmi alli apanacungui. Gentecunaca paicuna layallataj metacunata charij gentecunahuanmi apanacunata munancuna. Cambaj amigocunahuan shuj metata pajtachingapaj esforzarishpaca allimi sintiringui.

Sumajtami causangui. Can munashca metacunata pajtachishpaca imapajpish valishca cashcatami sintingui.

Christopher jovenca: “Ñucaca achca metacunata pajtachina cashcamantami ocupado causani. Cai metatasta pajtachishpaca cushillami sintirini” ninmi.

BIBLIAPICA: “Huairata chapajca, mana tarpunchu. Pꞌuyupi ñahuita churajpish, chagrataca mana tandanchu” ninmi (Eclesiastés 11:4).

Can munashca metacunata alli pajtachingapajca caita rurai.

Metacunata agllai. Shuj cuadernopi maijan metacunata pajtachisha nishca anotai. Qꞌuipaca chai metacunamanta maijanta puntapi pajtachinata ricui.

Ima shina pajtachinata agllai. Metacunata pajtachingapajca caita rurai:

• Ima punlla chai metata pajtachinata anotai.

• Chaipajca imallata rurana cashcata anotai.

• Jarcaicuna tiyajpica ima shina mishanata anotai.

Metacunata pajtachingapaj trabajai callari. Shuj metata pajtachingapajca mana tucui imalla minishtishcacunata charinachu importante can. Puntapica cambaj metata ima shina pajtachinatami ricuna cangui. Qꞌuipaca chai metata ima shina pajtachicushcatami ricuna cangui.

BIBLIAPICA: “Imatapish alli yuyarishpa chai yuyai trabajaj runaca causaipaj charintajmi” ninmi (Proverbios 21:5).