TLEN UELIS KINPALEUIS AKIN NOYOLKOKOUAJ
Tlen más uelis kinpaleuis akin noyolkokouaj
IKIPIYA SEKI XIUJTIN IKA MIYEKEJ NOMACHTIAJ TLEN PANOUA IJKUAK YAKAJ NOYOLKOKOUA. San ika, ken yotikitakej, tlen kijtouaj akin nomachtiaj kemantika san kiteititia tlen Biblia ikijtouaya. Yejon kijtosneki ika tlen Biblia kijtoua ok techpaleuiya. Ipan Biblia xsan tiknextiaj tlen uelis techpaleuis kuajli matinemikan, noijki kipiya tlen xkanaj uelis tiknextiskej niman tlen kinyolseuiya akin noyolkokouaj.
-
Uelis tikmatstoskej ika akin yomijkej xtlajyouijtokej.
Ipan Eclesiastés 9:5, Biblia kijtoua ika akin “yomikkej xokuitlaj kimatij”. Yejuamej xok tlanemiliaj (Salmo 146:4). Ika yejon, Biblia kijtoua ika ijkuak yakaj miki kentla san kochtoskia (Juan 11:11).
-
Mitsyolseuis titlaneltokas itech toTajtsin.
Biblia kijtoua ika Jehová * “kinta niman kincuidaroua on yolmelajkej tlakamej, niman yejua kinkaki ijkuak noueyikatsajtsiliaj” (Salmo 34:15). Tiknotsas toTajtsin xsan mitspaleuis kuajli xmomachili. Mitspaleuis kuajli xmouika iuan toTajtsin akin uelis mitsyolseuis.
-
Kuajli tinemis ika tlayekapan.
Biblia miyekpa kijtoua ika akin yomijkej oksejpa nokuiteuaskej. Ompa kijtoua kenon tinemiskej ika tlayekapan ipan tlaltikpaktli. Kijtoua ika toTajtsin nochimej “kimpopouilis nochi iminixayo, niman xok onyas mikilistli, nion chokistli, nion ajmantli, nion kokolistli” (Apocalipsis 21:3, 4).
Miyekej akin tlaneltokaj itech Jehová niman yokitakej ipan Biblia ika yejua kinkuiteuas akin yomijkej, aman más kuajli nomachiliaj niman xmás noyolkokouaj. Ann, akin omik iueuentsin sakin ika yopanoka 65 xiuitl ika ononamiktijkaj, kijtoua: “Biblia yonechmachti ika akin yomijkej xtlajyouijtokej, niman ika toTajtsin kinkuiteuas nochimej akin yejua kimilnamiki. Nochipa nitlanemilia itech yejon ijkuak niktemoua noueuentsin. San yejon ueli nechyolseuiya”.
Tina akin yotikteneujkaj, kijtoua: “Desde ijkuak omik Timo, yonikitak kenon toTajtsin yonechpaleui. Yejua melak onechyolchikauj ijkuak más ninajmanaya. Niman tlen Biblia kijtoua itech akin yomijkej nechpaleuiya manitlaxiko hasta ijkuak oksejpa nikitas Timo”.
Yejuin techititia tlen kimachiliaj nochimej akin kineltokaj tlen Biblia kijtoua. Tla tejua tiknemilia ika xnochiuas tlen Biblia kijtoua, kuajli yeskia tla timomachtia niman tikita tleka tikmatstokej ika toTajtsin kichiuas nochi tlen ompa kijtoua. Tikitas ika san Biblia uelis kinpaleuis akin noyolkokouaj pampa omik yakaj akin kitlasojtlaj.
¿TIKNEKI TIKMATIS OKSEKI ITECH KENON TOTAJTSIN KINKUITEUAS AKIN YOMIJKEJ?
Ipan topágina tlen tikpiyaj ipan Internet, jw.org, uelis tikimitas videos tlen tlajtouaj itech yejuin.
Biblia kijtoua ika oksejpa tikimitaskej tochanejkauan niman toamigos akin yomijkej.
¿Tlenon topan nochiua ijkuak timikij? Tlen Biblia kijtoua melak teyolseui.
Xpachouili kampa kijtoua AMATLAJKUILOLTIN >VIDEOS (BIBLIA > TLAMACHTILTIN ITECH BIBLIA).
¿TIKUELITASKIA TIKMATIS KUAJLI TLAJTOLTIN?
Maski aman san tijkakij ika nochiua tlen xkuajli, ¿kanon uelis tiknextiskej kuajli tlajtoltin? Yejuin video kiteneua folleto ¡ToTajtsin techijlia tlen kualtsin!
Xpachouili kampa kijtoua TLAMACHTILTIN ITECH BIBLIA > YOLSEUILISTLI NIMAN PAKILISTLI.
^ Biblia kijtoua ika toTajtsin itoka Jehová.
Puede que también le interese
TLEN MIYEKEJ NOTLAJTOLTIAJ ITECH BIBLIA
¿Tlenon kijtosneki yoliuilistli?
Kanaj mitsmojkatlachialtis ijkuak tikitas akinomej yoliuiskej.
