¿KUNJAMATSA ESTRÉS USUMPEJJ JAN AYNACHTʼKSNA?
¿Estresatätati?
Julia a sat warmejj akham siwa: “Cheqas taqeniw estresata, mä arunjja llakimp aynachtʼata jikjjatastanjja, ukampis nayajj jukʼamp estresatätwa. Janiw mä jan walin uñjasisakejj ukham jikjjataskti, jan ukasti walja jan walinakan uñjasisaw ukham jikjjatasta, esposojajj usutawa pʼeqetsa janirakiw walïkiti, ukatwa walja maranak jupar cuidasajj wali estresata jikjjatasta” sasa.
Barry sat chachajj akham sarakiwa: “Esposajaw jaytjawayitu ukatwa naya sapaki pä wawanakajar uywañajäna. Sapaki wawar uywañajj wali chʼamawa. Janiw ukakïkiti, trabajsa aptʼasiraktwa, auto askichayañatakis qollqejj janiw utjkitänti. Janipuniw kuns lurirjamäkayätti, qʼala aynachtʼataw jikjjatasiyäta. Maynipachpa jiwayasiñajj jan walïtapjja yatiyätwa, ukatwa Diosarojj ‘jiwayjjeta’ sasin wal mayisiyäta” sasa.
¿Jumajj Julia warmjama Barry chachjamat jan kamachtʼirjam awisajj jikjjatasirakta? Ukhamächi ukhajja, aka revistan yatichäwinakapaw wal chuymachtʼätam yanaptʼarakïtam. Kunatsa estrés usojj utji, kunjamsa jan waltʼayistaspa ukat kunjamsa ukamp jan aynachtʼksna ukanakatwa aka revistajj qhanañchi.
a Yaqha sutinakampi uchatawa.
Akanakajj inas gustarakiristam
YATIYAÑATAKI
Llakisiñajj oraqpachanwa utji
Yatjjatatanakarjamajja, kunjamsa llaki usunakajj waynpacharu tawaqpacharu jiwayaspa ukaw qhanstawayi. ¿Kunjamatsa llakimpi jan aynachtʼkasma?
