PAGPANGITA SING PAUMPAW SA STRESS
Na-stress Ka Bala?
“Ang kada tawo may stress, pero grabe gid ’ya ang akon ginabatyag nga stress. Indi lang ini bangod sa isa ka daku nga problema, kundi sa madamo nga kahimtangan, mga kabudlayan, kag sa daw wala katapusan nga pag-atipan sa akon bana nga masakiton kag may diperensia sa pamensaron.”—Jill. a
“Ginbayaan ako sang akon asawa, kag ako na lang ang nagaatipan sa amon duha ka bata. Mabudlay gid kon nagasolo ka nga ginikanan. Ang malain pa, nadulaan ako sing obra, kag wala gani ako sing inugbayad bisan sa rehistro lang sang amon salakyan. Indi na ako kabalo kon ano ang himuon. Grabe gid ang akon stress. Kabalo ko nga sala ang paghikog, gani nagapakitluoy ako sa Dios nga sia na lang ang mapatay sa akon.”—Barry.
Pareho kay Jill kag kay Barry, grabe man bala ang imo stress kon kaisa? Ang masunod nga mga artikulo mahimo makapaumpaw kag makabulig gid sa imo. Nagabinagbinag ini parte sa kinaandan nga mga ginabangdan sang stress, kon ano ang epekto sini sa aton, kag kon ano ang mahimo naton para mapahaganhagan ini.
a Gin-islan ang mga ngalan.
Basi Manamian Ka Man
ANG LALANTAWAN
Ang Kabalaka Yara Bisan Diin!
Ginapakita sang mga pagtuon nga bisan ang haganhagan nga kabalaka nagadugang sa risgo nga mapatay sing temprano. Paano mo ini maatubang?
MAGMATA!
Ang Kabudlayan: Negatibo nga Balatyagon
Ginakontrol ka bala sang mga balatyagon pareho sang kabalaka, kaakig, kag kasubo? Ang pila ka praktikal nga tikang makabulig sa imo nga maatubang ini.
