MUTINDU YA KUZWA LUSADISU NA BASUSI
Keti Nge Ke Kudiyangisaka Mingi?
Jill a ke tuba nde: “Konso muntu ke vandaka ti basusi, kansi basusi na mono ke vandaka mingi kibeni. Yo kele ve kaka sambu na mpasi mosi ya nene, kansi sambu na mambu mingi ya mpasi mpi sambu mono ke kebaka konso mvula bakala na mono yina ke belaka na nitu mpi na mabanza.”
Barry ke tuba nde: “Nkento na mono me tinaka mono mpi mono ke sansaka bana zole mono mosi. Kana kibuti kele kaka yandi mosi, yo ke vandaka mpasi na kusansa bana. Diaka, kisalu na mono kufwaka mpi mono vandaka ve ti mbongo ya kuyidika kamio na mono. Mono zabaka ve nki mono fwete sala. Mono kudiyangisaka mingi kibeni. Mono zabaka mbote nde yo kele mbi na kudifwa, yo yina mono lombaka Nzambi na kufwa mono.”
Bonso Jill ti Barry, keti bantangu ya nkaka nge ke kudiyangisaka mingi? Kana mpidina, masolo yai ya ke landa ta pesa nge kikesa mpi ta sadisa nge. Yo ta tubila mambu yina ke pusaka muntu na kudiyangisa, mutindu beto lenda kuma kudiyangisa mpi mambu yina beto fwete sala kana beto ke kudiyangisa mingi.
a Beto me soba bazina.
Nge Lenda Sepela Mpi Ti
NZOZULU YA NKENGI
Basusi Kele Bisika Yonso!
Bansosa ke monisa nde ata basusi ya fioti-fioti lenda nata muntu na kufwa nswalu. Inki mutindu beto lenda nwana ti yo?
