ЧАԜА ЖЬ СТРЕСЕ ДӘРЕН
Тӧ Стреседа ни?
«Һәркʹәс дькʹәвә стресе, у әв йәк һатийә сәре мьн жи. Мәʹнийа ве йәке проблемәк нинә, ле һәнә гәләк щурʹә-щурʹә дәрәщә кӧ стреса мьн зедә дькьн. Ида гәләк сал ә әз мьԛати мере хԝә дьбьм, кʹижан кӧ гьран нәхԝәш ә. Әв йәк нәһеса йә». Гӧлизәр. a
«Жьна мьн әз һиштьм у мьн дӧ зарʹед хԝә тʹәне мәзьн дькьр. Әв йәк гәләк чәтьн ә. Хенщи ве йәке мьн хәбата хԝә ӧнда кьр, у пʹәре мьн жи тʹӧнә бу авта хԝә чекьм. Мьн ньзаньбу чь бькьм. Әз кʹәтьмә стресәкә ԛайим. Кʹурайа дьле хԝәда мьн фәʹм дькьр, кӧ ԝе нәрʹаст бә хԝә бькӧжьм, ләма жи мьн лавайа Хԝәде дькьр, ԝәки мьн жь дәрда хьлаз кә». Миран.
Дьԛәԝьмә щарна тӧ жи мина Гӧлизәре у Миран дькʹәви стресе. Һәрге ӧса нә, готаред ве журнале ԝе али тә бькьн бәрдьлийе бьстини. Ван готарада ԝе бе шеԝьркьрьне дәрһәԛа мәʹнийед стресе, чаԝа әԝ сәр мә һʹӧкӧм дьбьн у чаԝа әм дькарьн жь бо стресе ԛьдум нәкʹәвьн.
a Нав һатьнә гӧһастьне.
Дьбәкә Wәрʹа Һʹәwас бә
БЬРЩА QӘРӘWЬЛИЙЕ
Хәмгини Һʹәму Дәра Һәйә!
Леколинкьрьн әʹйан дькьн кӧ, һәла һе хәмгинийа бьчʹук жи жийине кем дькә. Чаԝа һун дькарьн кем хәмгин бьн?
