Bo Jill * babulela kuli: “Mutu kaufela ukopananga ni miinelo yeziyeza, kono na nikopana ni miinelo yeziyeza hahulu. Nikopana ni miinelo yemiñata yetaata, mi omuñwi wa miinelo yeo ki kubabalela bo muunaaka base bakulile ka lilimo zeñata mwa mubili ni mwa munahano.”

Bo Barry babulela kuli: “Neniyubekilwe ki bo musalaaka mi muinelo wo neutahisize kuli nibe ni buikalabelo bwa kuuta bana baluna bababeli ninosi. Nekuli taata kubababalela ninosi. Kwandaa zeo, nenizwisizwe musebezi mi nenisina masheleñi a kulukisisa mota yaka. Nenisa zibi za kueza. Neniziyelehile luli. Neniziba kuli nenisa swaneli kuipulaya, kacwalo, naikupela ku Mulimu kuli nishwe feela.”