AMO XIJKAUA MA MITSTETSOPA TEKIPACHOLI
¿Mitstetsopa miak tekipacholi?
“Maske nochi techtetsopa se tlenijki, na tlauel miak tekipacholi nijpia. Amo nijpia san setsi kuesoli tlen tlauel ouij, nechtetsopa miak tlaouijkayotl. Nojkia, tlauel miak xiuitl nijmokuitlauijtok noueue, katli tlauel mokokoua” (Julia). a
“Nosiua nechkajki, uan monejki noselti nikiniskaltis omej nokoneuaj. Tlauel ouij nijmatki. Nojkia, ayokmo nechtekimakakej uan ayokmo nijpixtoya tomij tlen ika nijkualchijchiuaskia nocarro. Amo nijmatiyaya tlake nijchiuas. Nopa tekipacholi tlauel nechtetsopayaya uan ayokmo nikijiyouiyaya. Nijmajtoya amo kinamiki nimomiktis, yeka nikiljuiyaya toTeotsij yaya ma nechmikti” (Barry).
Sanse kej Julia uan Barry, ¿kemantika timoiljuia ayokmo tijmati tlake tijchiuas pampa tlauel mitstetsopa miak tekipacholi? Tlaj kiampa tijyolmati, tlen uala ipan ni pilamochtsi tlauel mitspaleuis uan mitsyolchikauas, pampa tikitasej kenke techtetsopa miak tekipacholi, kenijkatsa techtlanauia uan tlake uelis tijchiuasej kema tlauel techtetsoptos se tekipacholi.
a Kinpatilijtokej inintoka
Tlen nojkia mitspaktis tikitas
TLEN TEMATILTIA
Ipan nochi Tlaltipaktli tlauel motekipachouaj
Kema tlaixmatinij momachtijkej kiitakej tlaj se akajya motekipachoskia se kentsi ueliskia kichiuas nima ma miki. ¿Tlake ueliskia techpaleuis amo tlauel timotekipachosej?
