“ਕੁਝ ਹੱਦ ਤਕ ਤਣਾਅ ਹੋਣਾ ਆਮ ਹੈ, ਪਰ ਮੈਂ ਖ਼ੁਦ ਨੂੰ ਤਣਾਅ ਦੇ ਬੋਝ ਹੇਠ ਦੱਬਿਆ ਮਹਿਸੂਸ ਕਰਦੀ ਹਾਂ। ਇਹ ਸਿਰਫ਼ ਇਕ ਵੱਡੀ ਸਮੱਸਿਆ ਕਰਕੇ ਨਹੀਂ, ਸਗੋਂ ਬਹੁਤ ਸਾਰੇ ਹਾਲਾਤਾਂ, ਮੁਸ਼ਕਲਾਂ ਅਤੇ ਸਾਲਾਂ ਤੋਂ ਸਰੀਰਕ ਤੇ ਮਾਨਸਿਕ ਤੌਰ ʼਤੇ ਬੀਮਾਰ ਪਤੀ ਦੀ ਦੇਖ-ਭਾਲ ਕਰਨ ਕਰਕੇ ਹੈ।”—ਜਿੱਲ। a

“ਮੇਰੀ ਪਤਨੀ ਮੈਨੂੰ ਛੱਡ ਕੇ ਚਲੀ ਗਈ ਤੇ ਮੈਨੂੰ ਇਕੱਲੇ ਨੂੰ ਦੋ ਬੱਚਿਆਂ ਦੀ ਪਰਵਰਿਸ਼ ਕਰਨੀ ਪਈ। ਮੇਰੇ ਲਈ ਇਕੱਲੇ ਸਭ ਕੁਝ ਕਰਨਾ ਬਹੁਤ ਔਖਾ ਸੀ। ਸਭ ਤੋਂ ਵੱਡੀ ਮੁਸ਼ਕਲ ਇਹ ਸੀ ਕਿ ਮੇਰੀ ਨੌਕਰੀ ਚਲੀ ਗਈ ਅਤੇ ਮੇਰੇ ਕੋਲ ਆਪਣੀ ਕਾਰ ਠੀਕ ਕਰਾਉਣ ਜੋਗੇ ਵੀ ਪੈਸੇ ਨਹੀਂ ਸਨ। ਮੈਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਮੈਂ ਇਹ ਸਭ ਕੁਝ ਕਿਵੇਂ ਕਰਾਂ ਤੇ ਮੈਨੂੰ ਬਹੁਤ ਜ਼ਿਆਦਾ ਤਣਾਅ ਹੋ ਗਿਆ। ਮੈਨੂੰ ਪਤਾ ਸੀ ਕਿ ਖ਼ੁਦਕੁਸ਼ੀ ਕਰਨੀ ਗ਼ਲਤ ਹੈ, ਇਸ ਲਈ ਮੈਂ ਰੱਬ ਦੇ ਤਰਲੇ ਕੀਤੇ ਕਿ ਰੱਬਾ ਮੈਨੂੰ ਮੌਤ ਦੇਦੇ।”—ਬੈਰੀ।