¿IMATÁ RUWASUNMAN MANA ANCHATA LLAKIKUNAPAJ?
¿Tukuy imachu llakichisunki?
Julia a nin: “Tukuy runas imamantapis llakikunchejpuni. Chaywanpis noqaj llakiyneyqa anchapuni. Mana uj problemayoj kasqayraykullachu, manaqa ashkha problemasniyoj kasqayrayku. Qosaypis ashkha watastaña sinchʼi onqosqa, paytataj cuidanay tiyan”, nispa.
Mario nin: “Señoray saqerpawarqa, sapallaytaj iskaynin wawasniyta uywarqani. Soltero tata kayqa trabajo. Chantapis mana trabajoyoj qhepakorqani, autoyta arreglachinaypajpis mana qolqey kapuwarqachu. Niña yacharqanichu imatachus ruwanayta, llakiyniytaj atipashawarqaña. Yacharqani wañuchikoyqa mana allinchu kasqanta, chayrayku Diosmanta mañakorqani wañuchikapunawanta”, nispa.
Ichá noqanchejpis Julia jina, Mario jinataj wakin kuti sientekorqanchej. Chayrayku kay revistaqa mayta yanapawasun, sonqochawasuntaj. Imajtinchus parlashan imaschus llakiyta rikhurichisqanmanta, llakiykuna kasqanrayku imaspichus rikukusqanchejmanta, mana llakiywan atipachikunapajtaj imatachus ruwanamanta.
a Wakin sutisqa mana chaychu.
Kaykunatapis qhawaykurillawajtaj
TORREMANTA QHAWAJ
Llakiykunaqa Jallpʼantinpi tiyan
Yachakusqanman jina anchata llakikoyqa mana allinchu. Imajtinchus niraj wañunapi wañupusunman. ¿Imaynatá llakiyta atipawaj?
