ካብ ጸቕጢ እፎይታ ርኸብ
ጸቕጢ ኣሎካዶ፧
“ኵሉ ሰብ ብእተወሰነ ደረጃ ጸቕጢ ኣለዎ፣ ኣነ ግና ጸቕጢ በዚሑኒ ኣሎ። እቲ ጸቕጢ ኸኣ ካብ ሓደ ዓብዪ ጸገም ዘይኰነስ፡ ካብ ብዙሕ ኵነታት፡ ካብ ቃልስታት፡ ከምኡ እውን ካብቲ ኣካላውን ኣእምሮኣውን ሕማም ንዘለዎ ሰብኣየይ ዝገብረሉ መወዳእታ ዘይብሉ ዚመስል ክንክን እዩ ዚመጽእ።”—ጂል። a
“ሰበይተይ ሓዲጋትኒ ኸይዳ፣ ንኽልተ ደቀይ ከኣ በይነይ ከዕብዮም ነይሩኒ። ንጽል ወላዲ ምዃን ቀሊል ኣይኰነን። ኣብ ርእሲ እዚ ድማ፡ ስራሐይ ስኢነ፣ ፍቓድ ማኪናይ ንምሕዳስ መመርመሪ ዚኸውን እውን ኣይነበረንን። እንታይ ከም ዝገብር ሓርቢቱኒ። ጸቕጢ በርቲዑኒ ነይሩ። ገዛእ ርእሰይ ምቕታል ጌጋ ምዃኑ ብውሽጠይ ስለ ዝፈልጥ፡ ኣምላኽ ንመከራይ መወዳእታ ኺገብረሉ ለሚነዮ።”—ባሪ።
ንስኻኸ ኸም ጂልን ባሪን ጸቕጢ በርቲዑካዶ ይፈልጥ፧ ከምኡ እንተ ተሰሚዑካ፡ እዘን ዚስዕባ ዓንቀጻት ኬጸናንዓኻን ኪሕግዛኻን እየን። ኣብዘን ዓንቀጻት እዚአን፡ ልሙድ ጠንቅታት ጸቕጢ እንታይ ምዃኑ፡ ጸቕጢ ብኸመይ ከም ዚጸልወና፡ ከምኡ እውን ካብ ጸቕጢ ኸመይ ጌርና እተወሰነ እፎይታ ኸም እንረክብ ክንምርምር ኢና።
a ስማት ተቐዪሩ እዩ።
እዚ ዚስዕብ እውን ኣሎ
ግምቢ ዘብዐኛ
ጭንቀት—ኣብ ኵሉ ቦታ
መጽናዕትታት ከም ዚገልጾ፡ ፈኲስ ጭንቀት እውን እንተ ዀነ ነቲ ቕድሚ ግዜኻ ናይ ሙማት ተኽእሎ የዛይዶ እዩ። ንጭንቀት ብኸመይ ክትዋጽኣሉ ትኽእል፧
ንቕሑ!
ጸገም፦ ኣሉታዊ ስምዒት
ከም ጭንቀትን ሕርቃንን ጓህን ዝኣመሰለ ኣሉታዊ ስምዒታት ዝዓብለለካ ዀይኑ ይስምዓካ ድዩ፧ ነዚ ንኽትዋጽኣሉ ኺሕግዘካ ዚኽእል ገለ ግብራዊ ስጕምታት ኣሎ።
