“Ko e loto-mafasia ʻa e tokotaha kotoa ʻoku ʻi ai hono fakangatangata. Neongo ia, ʻoku lōmekina au ʻe he loto-mafasiá. ʻOku ʻikai tupu ia mei ha palopalema lahi pē ʻe taha ka mei he ngaahi tuʻunga kehekehe, mei heʻeku fāinga ʻi he ngaahi taʻu lahi ke tokangaʻi hoku husepāniti ʻoku puke fakaesino mo fakaʻatamaí.”​—Jill. a

“Naʻe liʻaki au ʻe hoku uaifí pea naʻe pau ke u ʻohake toko taha ʻema ongo tamaikí. Naʻe faingataʻa ʻa e hoko ko ha mātuʻa taʻehoá. Tānaki atu ki aí, naʻe mole ʻeku ngāué pea naʻe ʻikai ke u maʻu ha paʻanga feʻunga ke sivi ʻeku meʻalelé ke lēsisita. Naʻe ʻikai ke u ʻiloʻi ʻa e meʻa ke faí. Ko e loto-mafasiá naʻe fakatupu lōmekina. Naʻá ku ʻiloʻi fakapapau naʻe hala ke u toʻo ʻeku moʻuí, ko ia naʻá ku kōlenga ki he ʻOtuá ke ne fakangata ʻeku mamahí.”​—Barry.