BULIG PARA MAKAYA AN ISTRES
Istres Ka Ba?
“An ngatanan naiistres, pero ako, duro an akon istres. Diri la ito tungod han usa nga daku nga problema kondi tungod ito han damu nga sitwasyon, kakurian, ngan baga hin waray kataposan nga pag-inataman ha akon bana nga may sakit ha pisikal ngan mental.”—Jill. a
“Ginbayaan ako han akon asawa, salit kinahanglan ko padakuon an amon duha nga anak nga ako la nga usa. Makuri magin solo nga kag-anak. Labot pa hito, nawad-an ako hin trabaho, ngan waray ako ibarayad bisan ha pagpaayad ha akon awto. Diri ako maaram han bubuhaton. Istres ako hinduro. Maaram ako nga sayop an pagpakamatay, salit nakimalooy ako ha Dios nga mamatay na la unta ako.”—Barry.
Pariho kanda Jill ngan Barry, may panahon ba nga naiistres ka hinduro? Kon oo, hinaot maliaw ngan mabuligan ka han masunod nga mga artikulo. Ginhihisgotan hito an komon nga mga hinungdan han istres, an mahimo magin epekto ha aton han istres, ngan kon paonan-o naton makakaya an istres.
a Ginsaliwnan an mga ngaran.
Bangin Maruyagan Mo Liwat
AN BARANTAYAN
Kabaraka—Bisan Diin!
Iginpapakita han mga pag-aram nga bisan an diri sobra nga pagkinabaraka mahimo magresulta ha temprano nga kamatayon. Paonan-o mo malalamposan an pagkinabaraka?
