“Kò sẹ́ni tí ọkàn ẹ̀ balẹ̀ tán, àmọ́ ọkàn tèmi ò tiẹ̀ balẹ̀ rárá. Ìṣòro ńlá kan ṣoṣo kọ́ ló fà á, ọ̀pọ̀ nǹkan ni, lára ẹ̀ ni wàhálà ojoojúmọ́ àti bí mo ṣe ń fi ọ̀pọ̀ ọdún tọ́jú ọkọ mi tí ara rẹ̀ kò yá, tó sì tún ní àìsàn ọpọlọ.”​—Jill. a

“Ìyàwó mi fi mí sílẹ̀ lọ, mo wá ń dá tọ́ àwọn ọmọ wa méjèèjì. Kò rọrùn rárá láti jẹ́ òbí tó ń dá tọ́mọ. Iṣẹ́ tún bọ́ lọ́wọ́ mi, mi ò rówó gba àwọn ìwé ọkọ̀ mi, mi ò sì mọ ohun tí mo lè ṣe. Ìdààmú tó bá mi pọ̀ jù, mo mọ̀ pé kò dáa kí n pa ara mi, ni mo bá bẹ Ọlọ́run pé kó kúkú gbẹ̀mí mi.”​—Barry.