5 Baa mandutu ma ga mal kel yada?
Inyuki bôt ba mbat mbadga i?
Ibale ngim njom i ntinde bés i hémle le ndutu i ga mal kel yada, i botñem i i nla lémés niñ yés, i hôla ki bés i kôôge Djob bebee.
Hégda le
Ngandak bôt i gwé ngôñ i mélés mandutu, ndi ba gwé bé ngap i i mbéda inyu boñ hala. Béñge le mam mana:
Tolakii bidokta bi mpam i yi ngandak mam . . .
-
Kon u ñem i yé kon u bisu ipôla makon ma ma nol ngandak bôt.
-
Pos i nol ngandak bôt hiki nwii.
-
Ikété lipep li manwin ni hop ngisi le Frontiers in Immunology, dokta David Bloom a bi tila le: “Nkoñ ’isi u nke ni bisu i jôs makon ma ma mal bé, makon ma mondo ni makon ma ma ntiimba lo, ma ban-ga ki ngui iloo héga.”
Tolakii ngim biloñ i yé mingwañ . . .
-
Hiki nwii, didun di boñge di nwo, ndi téntén bet ba niñ i bahoma het liyep li yé ngandak.
-
4 milliards i bôt ni pes i niñ ibabé i bana biluk.
-
Ngandak bôt i gwé bé to malép malam.
Tolakii i len ini ngandak bôt i nyi le i nlama bôñôl bôt bape loñge . . .
-
Bôt ba ngi kenek ni bisu i gwélél bape kiki minkol ikété ngandak biloñ, ibabé le ba kéés bo. Jon ONU a nkal le: “Bebek le bangomin ba nyi bé i yom i yé tagbe, tole ba nla bé boñ yom yo kiki yo inyu kéés bôt ba.”
INYU KÔHNA BINIIGANA BIPE
Béñge vidéô i gwé ño le Kii i yé Ane Djob? i jw.org.
I yom Bibel i niiga
Nyambe a ntôñ bés.
I mam ma ntééñga bés, ma ntééñga yak nye.
“[Nyambe] a bi yan bé to pidip kuu i nu a ntehe kuu; a sôô bé ki to nye su wé. Ndi a nok, ngéda a lôndôl nye.”—TJÉMBI 22:25.
“Ni bééga nye nduña nan yosôna inyule a ntôñ bé.”—1 PÉTRÔ 5:7.
Mandutu ma ga nom bé i mba ni mba.
Bibel i mbôn bés le bitééne bi Djob inyu bôt ba binam bi ga yon.
“Nyambe . . . a’ sas gwiiha gwobisôna i mis map, nyemb y’a ba ha bé, to maéya, to nlondok, to njôghe bi ga ba ha bé.”—MASOOLA 21:3, 4.
Djob a ga mélés i mam ma nôgha bôt njôghe.
Bibel i nkal le Djob a ga boñ hala ni njel Ane yé.
“Nyambe nu ngii yosôna a’ téé ngim ane i yé le y’a tjiba bé kekikel. To pot yé mbok ki y’a yégle bé i moo ma loñ ipe. . . . Yomede y’a tééba mba ni mba.”—DANIEL 2:44.
