Molo tutu do boi salpu hasusaan, gabe las ma rohatta jala dang tadok be Debata na mambahen hita susa.

Godang cara dibahen jolma lao pasohon hasusaan, alai dang berhasil. Umpamana:

Nang pe lam godang akka obat dibahen . . .

• Alai tong do pe godang halak mate alani marsahit jantung.

• Ganup taon marjuta halak mate alani kanker.

• Di jurnal Frontiers in Immunology Dr. David Bloom mandok, “Sian najolo sahat tu saonari sai torus dope jolma mangadopi akka penyakit na menular.”

Nang pe adong negara na mamora . . .

• Molo di negara na pogos, ganup taon marjuta dakdanak mate.

• Adong dope marmilliar halak na so adong toiletna.

• Marratus juta halak dang mandapot aek na ias.

Nang pe jolma nungnga mamboto taringot hak asasi . . .

• Di piga-piga negara godang dope kasus perdagangan manusia. Laporan Perserikatan Bangsa-Bangsa mandok, “akka halak na mangulahon i godang do na so dihukum, jala pamaretta pe dang olo mangurupi”.

  HATORANGAN TAMBAHAN

  Tonton ma video Aha do Harajaon ni Debata I? di jw.org.

Holong do roha ni Debata tu hita.

Parduli do Debata molo susa hita.

“Ai ndang lea rohana manang marbiasbias mida pardangolan ni na dangol, jala ndang ditabunihon bohina maradophon ibana, jala ditangihon do anggukna i tu Ibana.”​—PSALMEN 22:25.

“Pasahat hamu ma sude holso ni rohamuna tu Ibana, ai disarihon do hamu.”​—1 PETRUS 5:7.

Salpu nama hasusaatta.

Bibel mandok saut nama janji ni Debata on.

“Apusan ni Debata ma nasa ilu-ilu sian mata ni nasida. Ndang adong be hamatean nang arsak ni roha, nang angguk-angguk, nang na hansit, ndang disi be.”​—PANGUNGKAPON 21:3, 4.

Salpuhonon ni Debata ma akka na mambahen jolma susa.

Saut ma janji on marhite Harajaon ni Debata.

“Padirion ni Debata, na di surgo i, sada harajaon na so tarpapatu ro di salelenglelengna, gomgomanna pe ndang pasahatonna tu bangso na asing. . . . Alai hot do anggo na sasada i ro di saleleng ni lelengna.”​—DANIEL 2:44.