5 Lachülürüba san dan lun masufurirun wamá?
Ka uagu súdini lubéi álügüdahani le?
Anhein anihein lubéi emenigini luagu lagumuchuba lan asufuriruni, gayaraabei warihini Bungiu luma ibagari lau aban lubuidun igaburi.
Samina huméi le
Lau sun gibe hamá gürigia ha busentiña hagidaruni asufuriruni, lóuguati le hayaraabei adüga. Teni humá lun ariñahani burí le:
Lau sun awanseeli lan agaranihani...
-
... tisandimémegili anigi lébunatimabei hóunwegun gürigia ubouagu.
-
... áfarati kánserü saragu míñunu gürigia sagü irumu.
-
... “anihagua ubóu agagibudagua luma sandi galugurahati le güreweiti lareidagun. Aniheinhali giñe iseri sandi le galugurahati ani chülüguaya le yebe saminawabei gumugua lan”, liña surusia le gíribei David Bloom tidan garüdia lánina siensia to gíriboun Frontiers in Immunology.
Lau sun anihein lan burí ageiraü le gaseinsunti...
-
... sagü irumu hóunwegun saragu míñunu irahüñü ubouagu, lídantima fulasu le gudemeti.
-
... añahein saragu míñunu gürigia awinwanda lidan burí fulasu le ñein lubéi ua tan kumú ni léibaaguagüle duna wíyeti.
-
... añahein saragu míñunu gürigia ha úati duna harumati hama lun hatun.
Lau sun gíbetimahali lan subudi luáguti haricha gürigia...
-
... añahagua óuseraña gürigia kei ebegidinaü lidan saragu fulasu ani lidan burí ageiraü le ídanbei maguserawagüdün hamá ha adügübalin wuribani le, “marihínwati turobuli le o mabafutiña lun hagagibudagun luma”, liña aban ariñahani tídangiñeti Óundaruni hani Néchanigu.
ANHEIN BUSÉN HUBÉI LANWOUN ARIÑAHANI
Ariha huméi bidéu Katei san Larúeihan Bungiu? lidan www.pr418.com/cab.
Le tarufudahabei Lererun Bungiu
Bereseti Bungiu wau
Gáriti lun larihiniwa asufurira.
“Marihin lumuti [Bungiu] hasufurirun gudemetiña kei ni kata maramudagun ligía hawéi. Aganba lumutiña dan le hamuriahan ídemuei luma!” (SÁLUMU 22:24).
“Ígira huméi sun katei lun Bungiu, lugundun lóunigiruñadün le tímatimaati” (1 FÉDURU 5:7).
Masufurirunbadiwa lun súnwandan
Füramasetu Bíbülia lagumuchuba lan Bungiu lau asufuriruni.
“Laragahabei [Bungiu] sun háguira; úaalime óunweni ni ayahuni ni íruni ni igarigu” (ARUFUDÚNI 21:3, 4).
Lagidarubei Bungiu sun le adügübei lun wasufurirun
Lun libihini lira, layusurubei Larúeihan le uágubei tariñaga Bíbülia aban lan arúeihani le inarüniti.
“Ladügüba Bungiu le siélubei aban arúeihani le siñabei lagünrinchaguni ni lagumadiruni ni aban néchani, [...] ábame ladurarun lun súnwandan” (DANIELI 2:44).
Háfuga hínsiñebei lan giñe le hun
GARÜDIA AWISAHATU
Málühali ua asufuriruni!
Füramaseti Bungiu lagumuchuba lan lau sun le adügübei lun wasufurirun. Ida ani ídaba ladügei?
