Cheʼ bʌ mi lac ñop chaʼan jiñi wocol miʼ caj ti jilel miʼ mejlel i coltañonla chaʼan mi laj qʼuel ti wen jiñi laj cuxtʌlel yicʼot chaʼan ñumen weñix chuqui mi lac ñaʼtan tiʼ tojlel Dios.

Cabʌl wiñicob xʼixicob (quixtañujob) yom i jisañob jiñi wocol, pero maʼañic chuqui miʼ mejlel i melob. Qʼuele chuqui ujtem tac:

Anquese ñumen añix tsʼac tac...

• jiñi cʼamʌjel tac ti lac pusicʼal jiñʌch muʼ bʌ i wen acʼ ti chʌmel lac piʼʌlob tiʼ petol pañimil (mulawil).

• jiñi cáncer cʌlʌxix miʼ yʌcʼ ti chʌmel (sajtel) lac piʼʌlob ti jujumpʼejl jab.

• «ti ili pañimil woli (choncol) i ñumen pʼojlel cʼamʌjel tac muʼ bʌ i pam pujquel. Cheʼ jaʼel, an i pʌsʌ i bʌ yan tac bʌ cʼamʌjel o an i chaʼ pʌsʌ i bʌ jiñi cʼamʌjel tac tsaʼix bʌ lon jili tsiʼ ñaʼtayob», cheʼ tiʼ tsʼijbu juntiquil economista i demógrafo i cʼabaʼ David Bloom ti jiñi revista i chaʼan bʌ ciencia baqui miʼ taj ti tʼan i chaʼan bʌ inmonología (Frontiers in Immunology).

Anquese an país tac baqui wen an taqʼuin...

• ti jujumpʼejl jab cabʌl xbiʼtalob miʼ chʌmelob, ili miʼ ñumen ujtel baqui wen an pʼumpʼuñiyel.

• cabʌl lac piʼʌlob chumulob baqui mach tsʼʌcʌlic chuqui añob i chaʼan chaʼan sʌc miʼ yajñelob.

• cabʌl lac piʼʌlob maʼañobic sʌc bʌ i yaʼalob chaʼan miʼ japob.

Anquese ili ora cabʌl quixtañujob yujilobix bajcheʼ yilal yom miʼ qʼuel yambʌlob...

• añʌch cabʌl tejclum tac tiʼ joytilel pañimil baqui muʼto i wen chojñelob jiñi lac piʼʌlob chaʼan miʼ ticʼlʌntelob. Cheʼ bajcheʼ miʼ yʌl jumpʼejl informe chaʼan jiñi Naciones Unidas, jiñi país tac mach bʌ añic woli (yʌquel) i jisañob jiñi ticʼlʌntel tajol «maʼañic woliʼ qʼuelob chuqui woli bʌ ti ujtel o mach chajpʌbilobic chaʼan miʼ jisañob».

  CHAʼAN MAʼ ÑUMEN CɅN

  Ochen yaʼ ti jw.org i qʼuele jiñi video ¿Chuqui jiñi i Yumʌntel Dios?

Dios mucʼʌch i chʼʌmonla ti ñuc

Cʼux miʼ yubin cheʼ mi lac ñusan wocol.

Dios «ma’anic tsiʼ tsʼaʼle c wocol. Maʼanic tsiʼ yʌʼleyon, maʼanic tsiʼ mʌyʌ i wut. Tsiʼ yubi lac Yum cheʼ cʼam tsac pejca» (SALMO 22:24).

«Acʼʌ tiʼ wenta Dios pejtelel laʼ cʼojʼol, come woliʼ cʌntañetla» (1 PEDRO 5:7).

Mach tiʼ pejtelelic ora mi caj lac ñusan wocol

Jiñi Biblia miʼ yʌl chaʼan Dios mi caj i jisan jiñi wocol.

«Dios mi caj i sujcubeñob i yaʼlel i wut. Maʼanix majch miʼ caj ti chʌmel. Maʼanix ucʼtaya mi uqʼuel mi wocol tiʼ pejtelel ora» (APOCALIPSIS 21:3, 4).

Dios mi caj i jisan tiʼ pejtelel jiñi muʼ bʌ i yʌqʼueñonla lac ñusan wocol

Cheʼ bajcheʼ miʼ yʌl jiñi Biblia mi caj i cʼʌn jiñi i Yumʌntel.

«Jini Dios am bʌ ti panchan mi caj i waʼchocon yambʌ Yumʌl, mach bʌ yujilic jilel [...]. Mi caj i yajñel tiʼ pejtelel ora» (DANIEL 2:44).