5 Èske soufrans ap janm fini?
Rezon ki fè sa enpòtan
Si vrèman gen rezon pou n kwè soufrans ap fini, yon esperans konsa ta ka ede nou chanje fason nou wè lavi a e menm fason nou wè Bondye.
Fè yon ti reflechi
Anpil moun ta renmen fini ak soufrans, men pa gen anpil bagay yo ka fè pou sa. Konsidere pwen sa yo:
Malgre pwogrè ki fèt nan domèn lamedsin...
-
Se maladi kè ki kontinye lakòz plis moun mouri.
-
Kansè touye plizyè milyon moun chak ane.
-
Dr. David Bloom ekri nan yon jounal: “Monn nan kontinye ap fè fas ak yon seri maladi trapan ki la lontan, sa ki fèk parèt ak sa ki retounen parèt ankò.” — Frontiers in Immunology.
Malgre gen kèk peyi ki rich anpil...
-
Chak ane, gen plizyè milyon timoun ki mouri, e se timoun k ap viv nan zòn ki pi pòv yo ki plis viktim.
-
Plizyè milya moun ap viv nan kondisyon ki pa pwòp.
-
Plizyè santèn milyon moun pa jwenn dlo trete pou yo sèvi.
Malgre gen plis moun jodi a ki vin pi byen konprann dwa moun...
-
Yo kontinye ap vann moun kòm esklav nan anpil peyi kote ki pa moun pou rele moun k ap fè aksyon sa yo lajistis paske, selon yon rapò Nasyonzini fè: “Se swa otorite yo pa konnen sa k ap fèt la oubyen yo pa gen mwayen nesesè pou yo fè sa.”
CHÈCHE KONN PLIS
Gade videyo Ki sa Wayòm Bondye a ye? ki disponib sou jw.org/ht.
Men sa Bib la di
Bondye gen sousi pou nou.
Bondye konprann soufrans nou ak lapenn nou.
“[Bondye] pa t fèmen je l sou soufrans moun ki t ap soufri a, li pa t meprize l. Li pa t kache figi l pou l pa wè l. Lè moun k ap soufri a te rele l pou l mande l èd li, li te tande l.” — SÒM 22:24.
“Lage tout tètchaje nou genyen sou li, paske li gen sousi pou nou.” — 1 PYÈ 5:7.
Soufrans pap la pou toutan.
Labib pwomèt nou objektif Bondye gen pou tè a pral reyalize.
“Bondye [...] ap siye tout dlo nan je yo, pap gen lanmò ankò, e moun pap nan lapenn ankò akoz moun pa yo ki mouri. Pap gen ni rèl, ni doulè ankò.” — REVELASYON 21:3, 4.
Bondye pral elimine tout sa ki lakòz lèzòm ap soufri.
Li pral fè sa grasa Wayòm li an, Labib montre Wayòm sa a se yon gouvènman toutbon.
“Bondye nan syèl la pral tabli yon wayòm ki pap janm kraze. E wayòm sa a pap vin anba men okenn lòt pèp. [...] Se li menm sèl k ap rete pou toutan.” — DÀNYÈL 2:44.
Lòt sijè ki enteresan
TOUDEGAD
Tout soufrans prèt pou fini!
Bondye pwomèt li pral retire tout bagay ki lakòz moun ap soufri. Kòman l ap fè sa e ki lè?
