5 Uzye Ukucula Kulatala Kusile?
Umulandu Uno Cacindamila
Ndi cakuti kwaya icingalenga tusininkizye ukuti ukucula kulasila, cingalenga twalola umi ukuti wacindama nu kuti Leza akatusakamala.
Vino Mulinzile Ukwelenganyapo
Antu aingi yangatemwa ukufumyapo ukucula nomba yatakwata amaka akucita vivyo. Lolini ivili apisika:
Usi mulandu nu kupanga imilembo iingi . . .
-
Ulwale wa ku mwenzo watwalilila sile ukukoma antu aingi.
-
Kansa ikakoma antu amamilyoni aingi cila mwaka.
-
Dr. David Bloom walemvile muli magazini wakuti Frontiers in Immunology ukuti: “Nanti icakuti ndakai kwaya imilembo iingi, ya dokota yacili yakafilwa ukupozya indwala izingi. Nupya antu yakalwala indwala izingi izipya, alino ni ndwala izitamanyika apa myaka iingi.”
Nanti icakuti umu mpanga zimwi antu yakwata sana impiya . . .
-
Cila mwaka ana amamilyoni aingi yakafwa, nupya vii vikacitika sana umu ncende umwaya upiina.
-
Antu amabilyoni aingi yasiikala umu ncende izisuma.
-
Antu mamilyoni aingi yatakwata amanzi asuma.
Nanti icakuti antu aingi ndakai yamanya vino yalinzile ukucitila antu yauze . . .
-
Lipoti ya kaungwe kakwe ya United Nations yalondolwile ukuti: Ukusenda antu umu uzya kwavula sana umu mpanga izingi, nupya antu aakacita vii yasipeelwa umulandu, pano amu uteeko yatamanya ivikacitika nanti yatakwatwa amaka yakucita iciliconsi.
SAMBILILINI NA VYUZE
Tambini vidyo iyakuti Uzye Uwene Wakwe Leza I Cani? iyaya pa jw.org.
Vino Baibo Ikasambilizya
Leza akatusakamala.
Akalola lino tuli nu ulanda na lino tukucula.
“Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.” —MASAMU 22:24.
“Ikini masakamiko inu pali Leza, pano wene akamusakamala.”—1 PETULO 5:7.
Ukucula kutalatwalilila amanda pe.
Baibo yalaya ukuti Leza alafikilizya ukulonda kwakwe.
“Leza . . . alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika.—UMBWILO 21:3, 4.
Leza alafumyapo vyonsi ivikalenga antu yacula.
Alacita vivyo ukuomvya Uwene Wakwe.
‘Leza wa kwiyulu alakatusya uwene uno utalatala wononwe. Wene utalatala ucimviwe, . . . nga lyene ulikalilila amanda pe.’—DANIELI 2:44.
