5 Vuno Lamba Tangua i ka Hua Ni?
Tantekeyenu nga Mukemuo ni Kuahi
Nga tua kala na vusunga vua tu lingisa ku tsiliela ngecize lamba tangua i ka hua, kaha lulavelelo luaco lu ka tu kuasa ku mona muono na ku mona Njambi mu njila ya cili.
Nga mu Hilulaho Vuino
Vantu va tonda ku manusula lamba, vunoni ka va kele na ndzili ya ku lingamo. Talenu viuma vi na hatako:
Vutuhu vandotolo va na lilongesa via vingi ku tuala ha cihindu, vunoni vantu ve kutsa omo lia mavezi ngeci mua . . .
-
Vuvezi vua mbunge.
-
Kanser, ize ye ku tsiha makulukazi a vantu muaka ku muaka.
-
Ndotolo David Bloom ua sonekele ngueni: “Vutuhu vandotolo va na lilongesa via vingi ku tuala ha cihindu mu mavu ose, vunoni hanga vene nkolo ku teta muzi kuahi.”
Vutuhu vifuti vimo via kala na vupite, vunoni . . .
-
Muaka ku muaka makulukazi a vanike ve ku tsa, cikumakuma vaze va yoya mu vuhutu.
-
Makulukazi na makulukazi a vantu ka va kele na tundzivo tua cili tua ku lizengela.
-
Vihita via makulukazi a vantu ka va kele na mema a cili.
Vutuhu lelo lino vantu vavengi va tantekeya vati va na pande ku yoyelamo na vakuavo, vunoni . . .
-
Kuliya na umo muzimbu ua vakua Nações Unidas, mu vifuti via vingi kasi va li na ku landesa vantu, kaha cingi ca vantu vakua ku vi linga na umo uahi ue ku va sompesa. Muomu vanguvulu va vifuti viaco “ka va tantekeya nga kua kala vamo ve ku landesa vakuavo, ni halumo ka ve ku hasa ku va sompesa.”
TANTEKEYENU VIA VINGI
Talenu video Vika Vuangana vua Njambi? ili mu jw.org.
Vi ya Handeka Mbimbiliya
Njambi ua tu haka seho.
Ke ku sembulua ku vavala na vusiua vu tue kuivua.
“[Njambi] ka yenguile cipue ka zilile kayando ka mukua ku yanda; Cipue ka mu vandelele cihanga ceni; Vunoni omo ua mu tambakanene, ua vuile.”—VISAMO 22:24.
“Mbilenu cisoti cenu cose kuli ikeye, muomu ikeye a mi lela.”—1 PETULU 5:7.
Lamba tangua i ka hua.
Mbimbiliya nguayo, vutumbe vua Njambi ku tuala hali etu vu ka lipuisamo.
“Njambi . . . a ka hunda masozi ose ku meso avo; na ku-tsa ka ci ka kala naua; cipue ku-linienga na vusiua ka ci ka kala naua, cipue ku lila, cipue ku vavala.”—KU-SOLOLA 21:3, 4.
Njambi a ka tundisako viose vie ku koka lamba ya vantu.
A ka lingamo ku hitila mu Vuangana vueni.
“Njambi ua muilu a ka tumbika vuangana vumosi vuntsa ka va kenieka ku miaka yose ya ya-ye, cipue mpoko yavuo ka va ka i eca ku vantu veka; . . . vukevuo . . . vu ka mana ku miaka yose ya ya-ye.”—NDANIELE 2:44.
