Na faduhu dödöda wa tola aheta gabula dödö, tola itugu sökhi lala wangera-ngerada irege omasi ita ahatö khö Lowalangi.

Ato zamorege ba wangeheta famakao, hizaʼi lö oya zi tola lafalua. Nehegö duma-duma daʼa:

Hewaʼae itugu tedou waʼatua-tua ndra doto . . .

• Irugi iadaʼa, ato zi mate börö wökhö tödö.

• Zuta niha si mate ero röfi börö wökhö kanker.

• ”Lö tebulö so wökhö salio fatöfa. So wökhö salio fatöfa si lö irai taya, so zi bohou, so göi zi no irai taya ba ifuli tohare,” isura Dr. David Bloom ba jurnal Frontiers in Immunology.

Hewaʼae so ösa soi zangokhögö kefe sebua, hizaʼi . . .

• Zuta ndraono si mate ero röfi. Asese alua daʼa ba soi si numana.

• Miliaran niha si lö mangokhögö WC sinangea muʼogunaʼö.

• Ngaotu zuta niha si lö manöndra idanö si sökhi.

Hewaʼae itugu aboto ba dödö niha sanandrösa ba hak asasi, . . .

• Lö tebulö so zamawa niha ba ngawalö soi hegöi banua. Moloʼö angombakhata Perserikatan Bangsa-Bangsa, lö mofozu ndra samatörö ba ”wangasiwai abula dödö andre, börö me lö laʼila ba tebai laraʼu niha samalua daʼö”.

  ENAʼÖ ITUGU ÖʼILA

  Faigi video Hadia Mbanua Lowalangi Andrö? ba jw.org/nia.

Iʼameʼegö tödö ita Lowalangi.

Iʼila na abu dödöda hegöi na tefakao ita.

”[Lowalangi] tenga sa fa lö ba dödönia wamakao zi göna famakao andrö ba lö niʼogorofinia; ba me no mangarö-ngarö khönia ba no ifondrondrongo.”​—ZINUNÖ 22:25.

”Mitouʼö ba dangania na so zabu dödömi gofu hadia ia, so so sa dödönia ami.”​—1 FETERO 5:7.

Hasambalö taya wamakao.

Moroi ba Zura Niʼamoniʼö, taʼila wa hasambalö ifalua Lowalangi fefu nifabuʼunia.

”Iʼosi daŵa hörö fefu ba höröra. Lö hadöi saʼae faʼamate, faʼabu dödö, fege-ege, mazui fökhö.”​—FAMAʼELEʼÖ 21:3, 4.

Lowalangi zangeheta hadia ia zangaʼasogö famakao ba niha.

Iʼogunaʼö dania Wamatörönia Lowalangi, yaʼia daʼö amatöröwa sindruhu.

”Iʼasogö gamatöröwa Lowalangi ba zorugo, amatöröwa si tebai adudu, götö-götö waʼara, ba faʼasalawa daʼö, ba lö möi ba niha böʼö, . . . ba yaʼia, ba lö tebulö, irugi zi lö aetu.”​—DANIELI 2:44.