5 Achʼįʼ Nahwiiʼná, Tʼáásh Nidootʼih?
Haʼátʼíí Biniyé Ílı̨́įgo Naʼídíkid
Achʼįʼ nahwiiʼná nidootʼihgo bíká nihił chohooʼı̨́įgo éí niheʼiinaʼ dóó God yáʼátʼéehgo baa nitsíikeesgo ánihósin doo.
Díí Baa Nitsíníkees
Ląʼí diné achʼįʼ nahwiiʼná nideeshtʼih danízin, ndi yiʼoh daneelʼą́. Díí baa ákonínízin:
Azeeʼ bá hólǫ́ǫ ndi . . .
-
Ajéí bąąh dahazʼą́ aláahdi naʼałtseed.
-
Tʼáá nináháhááh bikʼeh łóód doo nádziihii ląʼí mííl neiłtseed.
-
Frontiers in Immunology naaltsoos biiʼ Dr. David Bloom ání: “Nahasdzáán tʼáá siʼą́ ńtʼééʼ bikáaʼgi naałniihii ląʼí nídahoodleeł, áko bee bikʼeh hodidoodleełii ádaadin.”
Łaʼ kéyah dah átʼı̨́į ndi . . .
-
Łaʼgóó áłchíní badahojoobaʼígo kéédahatʼı̨́, áádóó beʼiiná nidahatʼééh.
-
Bílaʼashdlaʼii ląʼí mííl biláahgo, baa hojoobaʼígo kéédahatʼı̨́.
-
Ląʼí mííl biláahgo tó yáʼátʼéehii bá ádin.
Bílaʼashdlaʼii iiná yáʼátʼéehii bá hólǫ́ǫ ndi . . .
-
Nihokááʼgóó bílaʼashdlaʼii éí sex doodaiiʼ naalteʼ biniyé nidahaniih. Łahgóó kódaatʼíinii doo ayóó yaa nídaatʼı̨́į da áádóó doo bee bá nidahwiitʼaah da. United Nations report ání: “Łahgóó éí doo baa ádahojilchįįhgóó ádazhdólzin, łahgóó éí hashtʼedeidoolíiłgi yiʼoh daneelʼą́.”
ŁAʼ ÍNÁÁHOOʼAAH
JW.ORG biiʼ video God biNahatʼaʼshąʼ Haʼátʼíí Átʼé? ninááł nidoolkił.
Diyin Bizaad Ání
God nihaa joobaʼgo átʼé.
Achʼįʼ nahwiiʼná doo bíniʼdii nízin da.
“Háálá hachʼįʼ nahwiiʼnáanii tʼáadoo yiyííʼįįd da, áádóó tʼáadoo yaaʼih niizı̨́įʼ da, índa tʼáadoo hatsʼą́ąjįʼ ádzaa da, nidi níjookąąhgo hodiiztsʼą́ą́ʼ.”—PSALM 22:24.
“Nihidaʼdiiłʼáhígíí tʼáá ałtso baa dahidohʼaah, háálá nihíneedlı̨́įgo nihaa áhályą́.”—1 PETER 5:7.
Achʼįʼ nahwiiʼná éí doo ahoyéelʼáágóó hólǫ́ǫ da doo.
Diyin Bizaad áníigo éí God nihá yihodeezʼánígíí yiʼdoolííł.
“Diyin God . . . dabinákʼeeshtoʼ tʼáá ałtso yá yidootʼoł, aniné ádin doo, áádóó atínáhodinidleeh ádin doo, áádóó cha ádin doo índa adiniih ádin doo.”—REVELATION 21:3, 4.
God éí bílaʼashdlaʼii bee bichʼįʼ nidahwiiʼnánígíí niidoołtʼih.
Diyin Bizaad éí God biNahatʼaʼ achʼįʼ nahwiiʼná íidoołdįįł ní.
“Diyin God éí bee óhólníihgo bił hazʼáanii chánah íidoolíiłii tsʼídá doo wóchxǫǫh átʼée da doo. Tsʼídá doo łaʼda bee hóhólníih da doo; . . . nidi éí bee óhólníihgo bił hazʼáanii hoolʼáágóó hólǫ́ǫ doo.”—DANIEL 2:44.
