Okukala nekevelelo liokuti ononkhumbi mambukapwa, tyitukuatesako okukala nehambu, atukala nesuko liokukala omapanga a Huku.

Ovanthu ovanyingi vahanda okumanako ononkhumbi mouye auho, mahi kavetyivili okutyilinga. Tala onongeleka mbumwe . . .

Namphila ounongo wokuhakula ukahi nokuliyawisa . . .

• Ovanthu ovanyingi vankhia mokonda yokuvela omutima.

• O cancer kekahi nokuipaa ovanthu ovanyingi kese enima.

• Momukanda umwe, Dr. David Bloom, wahoneka okuti: “Mouye nkhele muna omauvela elitambuliswa, amwe okuekahiale omanima omanyingi, omakuavo omape, iya nkhele omakuavo akondoka vali.”

Namphila kovilongo vimwe kuna onombongo ononyingi . . .

• Kese enima, ovana ovanyingi vekahi nokunkhia, haunene kovilongo viokuahepa unene.

• Ovanthu ovanyingi vakala ponomphangu mbasila unene.

• Ovanthu ovanyingi vetupu omaande ekahi nawa pala okunwa.

Namphila ovitumino vio kuamena ovanthu vikahi nokuliyawisa  . . .

• Ovanthu ovanyingi vekahi nokutualwa kovilongo ovikuavo opo vakakale ovapika. Ngetyi tyapopia o relatoliu imwe yo Nações Unidas, otyo tyimoneka mokonda ovatumini kavesukile novitateka ovio. Tupu kavelipongiyile opo vamaneko ovitateka ovio.

  OPO UNOÑGONOKE VALI

  Tala ovidiu yati Ouhamba wa Huku Oityi? mo jw.org.

Huku ututekula.

Siovaa weete ononkhumbi nomaluihamo etu.

“[Huku] kalingile onya ine okuyala ononkhumbi mbauna ukahi nokumoneswa emone; kemuholekele otyipala tyae. Etyi eliyava okuita ekuateso, emutehelela.” — SALMO 22:24.

‘Pakulei otyiho tyenyi atyiho kwe, mokonda ngwe wesuka no onwe.’ — 1 PETULU 5:7.

Ononkhumbi kamambutualako pala apeho.

Ombimbiliya ilongesa okuti apa katutu omilao vya Huku mavikafuisuapo.

“Huku . . . makasekuna ononkhuka momaiho avo, ononkhia kamambukakala-ko vali, nii okuliyava, nii okulila nii omaluihamo kavikakala-ko vali.” — EHOLOLOLO 21:3, 4.

Huku makamanako ononkhumbi ovanthu vekahi nokulambela.

Otyo meketyilinga vala pokati Kouhamba wae, Ombimbiliya ipopia okuti outumini wotyotyili.

“Huku yo keulu makavialeka ouhamba umwe uhakahanyuako nalumwe. Ouhamba oo kamaukapita pomaoko elongo ekuavo. . . . Ouhamba watyo oo, ngao ukakalako apeho.” — DANIEL 2:44.