5 Woat daut Lieden noch mol een Enj haben?
Wuarom es daut wichtich to weeten?
Wan daut Lieden woat een Enj nämen, dan woa wie daut Läwen nu aul aundasch seenen un uk aundasch äwa Gott denkjen.
Toom nodenkjen
Väle wudden met daut Lieden wellen een Enj moaken, oba dee kjennen nich väl waut aunfangen. Denkj mol aun dit hia:
De Doktarie es bäta jeworden, oba . . .
-
de mieeschte Menschen stoawen noch emma wäajen Hoat-Trubbel.
-
millionende Menschen stoawen jieda Joa wäajen Kjräft.
-
“daut jeft noch emma soo väl Krankheiten un niee komen opp un oole komen wada äwadäl”, schrift Dr. David Bloom en daut Buak Frontiers in Immunology.
En eenje Lenda sent de Menschen sea goot auf, oba . . .
-
jieda Joa stoawen millionende Kjinja, un besonda doa, wua de Menschen daut knaup haben.
-
hundade Million Menschen haben nich jescheide Zekjreets.
-
hundade Million Menschen haben kjeen reinet Wota.
Doa woat emma mea von jerät, woo eena aundre behaundlen saul, oba . . .
-
en väl Lenda woaren noch emma Menschen met Jewault metjenomen un dee, waut an daut aundoonen, passieet nuscht. No eenen Berecht von de Veeende Nazionen no, es daut wäajen de Rejierungsmenschen “daut nich enwoaren ooda doa nuscht jäajen doonen kjennen”.
LIA NOCH MEA
Kjikj daut Video Waut es Gott sien Kjennichrikj? opp jw.org.
Waut sajcht de Schreft?
Gott es om ons bekjemmat.
Hee es nich endoontich doaräwa, wan Menschen daut schwoa haben.
“Hee haft de oame äa Älent nich veacht, un sikj nich aufschuent von an trigjetrocken, un aus see am aunschrieejen hieed hee an” (PSALM 22:25)
“Schmiet aul june Sorjen opp am; hee sorcht fa junt” (1. PETRUS 5:7)
Met daut Lieden woat daut nich emma soo wiedagonen.
De Schreft vesprakjt, daut sikj daut soo romnämen woat, aus Gott daut haben wull.
“Gott woat an aule Tronen von de Uagen weschen. Doa woat kjeen Doot ooda Trua ooda Hielen ooda Weedoag mea sennen” (OPENBOARUNK 21:3-4)
Gott weet, wua daut Lieden häakjemt, un daut woat hee oppriemen.
Hee woat daut derch sien Kjennichrikj doonen. De Schreft sajcht, daut dit opp iernst eene Rejierunk es.
“Gott [woat] em Himmel een eewjet Rikj oppstalen. Kjeena woat daut jeemols äwamajchtjen. Daut woat aule aundre Kjennichrikjs en Bieta bräakjen un venichten, oba woat selfst opp emma bliewen” (DANIEL 2:44)
