5 Ka avel li krajo e mukenge?
Soske tano važno o odgovor
Ako isi amen nadež kaj ka avel krajo e mukenge, adava ka pomožinel amenge te ovel amen pozitivno stavi sprema o životo hem čak ka pomožinel amen te ova paše e Devlea.
Razmislin
But manuša mangena te čhiven krajo e mukenge, ama našti celosno te uspejnen ko adava. Razmislin bašo akala bukja:
Iako i medicina tani but napredno...
-
O nasvalipe ko srce tano jekh taro glavna pričine soske merena o manuša.
-
Sekova berš taro rako merena milionja manuša.
-
Ko sveto isi but zarazna nasvalipa. Bašo nesave lendar panda na arakhle iljači, okola nasvalipa so sine uništime palem iranena pe, a pojavinena pe neve da, vakerela o d-r Dejvid Blum ko spisanie Frontiers in Immunology.
Iako nesave phuvja tane but barvale...
-
Sekova berš merena milionja čhave. Akava posebno slučinela pe ko thana kote so o manuša tane čorole.
-
Štar tekvaš milijarde manuša nane len toaleti khere.
-
But milionja manuša nane len čisto pani pijbaske.
Iako o manuša avdive džanena but poviše bašo manušikane pravija...
-
Ko but phuvja panda kerela pe trgovija manušencar, a ko nesave phuvja okola so kerena adava na odgovorinena anglo zakoni. I pričina tani so o vlastija „nane svesna bašo akava problemi ili našti te ikljoven lea ko krajo“, pišinela ko izveštaj taro Obedineta nacie.
DOZNAJN POVIŠE
Dikh o videoklipi Soj e Devleskoro Carstvo? ki jw.org.
So vakerela i Biblija
O Devel mangela amen hem grižinela pe amenge.
Nane leske sa jekh keda isi amen dukh hem tuga.
„[O Devel] na phandela ple jakhja keda isi nevolja e mučime manuše. Plo muj na garavgja lestar hem šungja le keda rodingja lestar pomoš“ (PSALM 22:24).
„Sa tumaro pharipe frden leske, soske ov grižinela pe tumenge“ (1. PETROVO 5:7).
O muke nane te postojnen zasekogaš.
I Biblija vakerela amenge kaj e Devleskiri namera e manušencar ka ispolninel pe.
„[O Devel] ka kosel sekoja asvin taro lengere jakhja, hem meribe nane te ovel više, ni žalibe, ni rojbe, ni dukha“ (OTKROVENIE 21:3, 4).
O Devel ka cidel sa o pričine kola so anena muke e manušenge.
Akava ka kerel le preku plo Carstvo, bašo kova so doznajnaja tari Biblija kaj tano vlada so ka vladinel taro nebo.
„O nebesno Devel ka vazdel carstvo kova so nikogaš nane te ovel uništimo. Hem adava carstvo nane te del pe javere narodoske... A korkori ov ka ačhovel zasekogaš“ (DANIEL 2:44).
