5 Eskê pasi ayeke hunzi ande mbeni lâ?
Ndani so a yeke kota ye ti wara kiringo tënë ni
Tongana mbeni raison ayeke dä ti mä na bê so pasi ayeke hunzi ande, ye so apeut ti changé bango ndo ti e na ndö ti fini ti e nga même na ndö ti Nzapa.
Gbu li na ndö ti tënë so
Gbâ ti azo aye ti sara si pasi aduti dä encore ape, me ngangu amanke ala. Gbu li na ndö ti aye so:
Atâa so akode ti kaïngo kobela ague na li ni . . .
-
Kobela ti bê angbâ ti fâ gbâ ti azo.
-
Kobela ti cancer ayeke fâ azo kutu mingi ngu oko oko.
-
Wanganga David Bloom asû na yâ ti mbeni mbeti (Frontiers in Immunology) lo tene so “azo angbâ ti bâ pasi ndali ti akobela so depuis ade a wara lege ti kaï ni kue ape, ndali ti afini ni so asigi nga na angbene ni so akiri abâ gigi.”
Atâa so mosoro ayeke mingi na yâ ti ambeni kodro . . .
-
Ngu oko oko, amolenge kutu mingi ayeke kui. Ye so ayeke si mingi na ando so yere ayeke dä.
-
Azo milliard mingi ayeke vivre sân ti wara aye so ala bezoin ni ti duti na nzoni seni.
-
Azo kutu mingi awara nzoni ngu ti nyon ape.
Atâa so gbâ ti azo laso akiri ahinga nzoni tënë na ndö ti droit ti azo . . .
-
Bendo ti Gigi atene so na yâ ti akodro mingi, a ngbâ ti kä azo na ngbâa nga a sara ye oko na azo so asara ye ni so ape, ndali ti so akota zo ti kodro ahinga tënë ni ape wala ala yeke na moyen ape ti zia maboko na ndö ti ala..
TI HINGA YE MINGI NA NDÖ NI
Gue na ndö ti jw.org, na bâ vidéo Royaume ti Nzapa ayeke nyen?
Ye so Bible afa
Nzapa ayeke pensé na e azo.
Pasi nga vundu ti e ayeke sara lo vundu.
“[Nzapa a]bâ tongana senge ye pëpe pasi ti zo so azo asara pasi na lo, nga lo ke lo pëpe; lo honde lê ti lo na lo pëpe. Tongana lo toto na lo ti hunda mungo maboko, lo mä lo.”—PSAUME 22:24.
“Ala mû agingo bê ti ala kue ala bi ni na ndö ti lo, ngbanga ti so lo yeke bi bê ti lo na ndö ti ala.”—1 PIERRE 5:7.
Pasi ti e ayeke ngbâ ande lakue lakue ape.
Bible amû zendo so ye so Nzapa aleke ndali ti e azo ayeke si ande biani.
“Nzapa . . . [a]yeke mbô ande ngu ti lê kue na lê ti ala, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe.”—APOCALYPSE 21:3, 4.
Nzapa ayeke zi ande aye so ayeke na gunda ti apasi ti e.
Lo yeke sara ande ye ni so na lege ti Royaume ti lo, so Bible afa ni tongana mbeni tâ gouvernement.
“Nzapa ti yayu ayeke sigi na mbeni royaume so a yeke futi ni lâ oko pëpe. Royaume ni ayeke gue na ambeni zo nde pëpe . . . gï royaume so oko la ayeke ngbâ lakue lakue.”—DANIEL 2:44.
