5 ¿Yaan wa u kʼuchul u kʼiinil u xuʼulul k-muʼyaj?
¿Baʼaxten kʼaʼabéet k-ojéeltik?
K-creertik yaan u xuʼulul k-muʼyajeʼ jeʼel u yáantkoʼon utiaʼal maʼ u lúubul k-óoleʼ yéetel utiaʼal maʼ k-tuukul kʼaas tu yoʼolal Dios.
Tukulte
Yaʼab máakoʼobeʼ u kʼáat u beetoʼob u xuʼulul u muʼyaj máak, chéen baʼaleʼ maʼ béeyak u beetkoʼobiʼ. Tuukulnen tiʼ lelaʼ:
Kex tsʼoʼok u kaxtaʼal u tsʼaak yaʼab baʼaloʼobeʼ...
-
... le baʼax maas beetik u kíimil máakoʼ letiʼe kʼojaʼaniloʼob ku tsaʼayal tu puksiʼikʼaloʼ
-
... le cánceroʼ ku kíimsik u millonesil máakoʼob cada año
-
... «láayliʼ yaan kʼojaʼaniloʼob maʼ tu páajtal u tsʼaʼakaloʼobeʼ. Tsʼoʼok xan u yantal túumben kʼojaʼaniloʼob wa táan u kaʼa tsʼáaik jujunpʼéel kʼojaʼaniloʼob ku tuklaʼal tsʼoʼok u xuʼulsaʼal kaʼachi» (David Bloom, revista Frontiers in Immunology).
Kex yaan luʼumiloʼob tuʼux maʼatech u jach máansaʼal óotsilileʼ...
-
... cada añoeʼ u millonesil mejen paalal ku kíimil, maases teʼ luʼumiloʼob tuʼux jach yaan óotsililoʼ
-
... u millonesil máakoʼob kajaʼanoʼob tuʼux minaʼan mix baño tiʼob
-
... u millonesil máakoʼob kajaʼanoʼob tuʼux minaʼan agua potable tiʼob
Kex bejlaʼa maas yaan leyoʼob ku yáantkoʼob máakeʼ...
-
... tiʼ yaʼab luʼumiloʼobeʼ láayliʼ ku koʼonol máak utiaʼal u obligartaʼal u beet baʼaloʼob kʼaastakeʼ. Le Naciones Unidasoʼ ku yaʼalikeʼ teʼ tuʼuxoʼob ku yúuchul lelaʼ le autoridadoʼoboʼ «ku beetkoʼob bey mix baʼal ku yúuchleʼ wa yaan horaeʼ maʼ u yojloʼob bix jeʼel u xuʼulskoʼobeʼ».
KAN U MAASIL
Chaʼant le video ¿Baʼax u Reino Dios? teʼ jw.org.
Baʼax ku yaʼalik le Bibliaoʼ
Dioseʼ jach taak u yáantkoʼon
Letiʼeʼ ku yaatal u yóol kéen u yil táan k-muʼyaj.
Dioseʼ «maʼatech u mutsʼik u yich kéen u yil táan u muʼyaj máak, maʼatech u taʼakikuba tiʼ máak. Kéen kʼáataʼak áantaj tiʼeʼ, ku yuʼubik» (SALMO 22:24).
«Pʼateʼex tu kʼab Dios tuláakal le kuuch chiʼichnakkúuntikeʼexoʼ, tumen letiʼeʼ jach taak u yáantkeʼex» (1 PEDRO 5:7).
Yaan u xuʼulul k-muʼyaj
Le Bibliaoʼ ku yaʼalikeʼ Dios kun xuʼulsik le baʼaloʼob kʼaastakoʼ.
Dioseʼ «yaan u choʼik tuláakal u jaʼil u yichoʼob, maʼ tun yantal kíimil, mix okʼol, mix kʼiʼinamil yéetel mix máak kun muʼyaj» (APOCALIPSIS 21:3, 4).
Dioseʼ yaan u xuʼulsik le baʼaxoʼob beetik k-muʼyajoʼ
Yaan u beetik yéetel u yáantaj le Reinooʼ, lelaʼ junpʼéel gobierno jach maʼalob u nuʼuktaj.
«U Diosil le kaʼanoʼ yaan u tsʼáaik junpʼéel reino mix bikʼin kun xuʼulsbiltiʼ. Le reinoaʼ mix bikʼin kun máan tu kʼab uláakʼ kaaj. [...] Chéen letiʼ kun pʼáatal utiaʼal mantatsʼ» (DANIEL 2:44).
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
