Vava Zaya e Ludi
Diambu
Nkumbu miayingi wantu bekalanga ye fu kia fundisa akaka kadi ke bazeye ludi mu kuma kiau ko. Badika e nona ilende:
-
E mfumu zankaka za salu bekalanga ye ngindu zabendomoka mu kuma kia akento. Bebanzanga vo e salu ivavanga vo muntu kakala ye ngangu yo nkuma, akento ke balendi yo sala ko.
-
Kuna Europa, Ayuda bavuninua mambu vo nlongo miampondi basianga muna mawulu ma maza yo sayanesa kimbevo. Muna luyalu lwa Nazi, Ayuda bavuninua diaka mambu vo yau batwasanga e mpasi za kondwa nzimbu kuna Alemanha. Mu kuma kia mambu basokelwa, Ayuda bayantika bangikwa kwayingi, yamu unu bakinu bangikwa.
-
Wantu ayingi bebanzanga vo awana bena vo mpofo, fwa matu ye avanguki ke bekalanga ye kiese ko.
Awana bekalanga ye ngindu zazi zabendomoka balenda yika nkutu nona mu songa vo ndungidi bena yau. Beyindulanga vo konso muntu ketambulwilanga ngindu zau ko, ku bubu kena.
Adieyi Bibila Kivovanga?
“Ke diambote ko muntu kakondwa zayi.”—NGANA 19:2.
Aweyi disongele? Olembi zaya e ludi, dilenda kutufila mu baka nzengo zambi. Avo tukwikidi muna mambu maluvunu vana fulu kia vava zaya e ludi, dikutufila mu kala ye ngindu zabendomoka mu kuma kia akaka.
O Zaya e Ludi Ekuma Dinina o Mfunu?
Vava tuzayanga e ludi mu kuma kia akaka, ke tukwikila mu mambu maluvunu ko mana o wantu bevovanga mu kuma kiau. Avo tubakwidi vo mana wantu bevovanga mu kuma kia buka kingandi maluvunu, ke tukwikila mu nzaki ko mu mana bevovanga mu kuma kia buka yankaka.
Adieyi Olenda Vanga?
-
O wantu balenda vova vo e kanda kingandi fu yambi bena yau, kansi sungamena dio vo ayingi muna wantu awaya ke bena ye fu yambi ko.
-
Sungamena mpe vo, nanga kuzeye mawonso ko mu kuma kia kanda kingandi.
-
Vava zaya e ludi kwa awana bebundwanga e vuvu.
Nanga Oyangalela Mpe Malongi Mama
EYINGIDILU DIA NKANGU
Adieyi Nkand’a Nzambi Uvovanga mu Kuma kia Unsongi?
Nga Nzambi kanda dimosi kaka kezolanga? Nga kanda dimosi kasambula yo siba diankaka?
