Ngwlɛlɛ ndɛ mɔ be kwla man e aklunjɔɛ’n
Be flɛ bla kun kɛ Ranin. * Ɔ seli kɛ: “Kɛ n wun alɛ nin yalɛ’n nin tukpacɛ’n nin ba kanngan mɔ be yo be kpokokpoko’n nin sa tɛtɛ uflɛ mɔ be o mɛn’n nun’n, n se min wun kɛ lika’n su yoman kpa le.”
Kɛ Ranin sili e Yifuɛ’n m’ɔ si ngwlɛlɛ kpa’n, ɔ dili aklunjɔɛ. Fluwa nga nun’n, é wá wún i kɛ e Yifuɛ’n kle e like naan e di aklunjɔɛ. Like ng’ɔ kle e’n ti’n...
e nin e awlobofuɛ mun e kwla tran fɛfɛ
e nin e wiengu mun e kwla tran klanman
e klun kwla jɔ like nga e le i’n su
e kwla si like nga ti yɛ e wun ɲrɛnnɛn kpɛkun e wu’n
e kwla fa e wla e guɛ i like kpa kun su
e kwla si e Yifuɛ’n i kpa yɛ e nin i e kwla tra janvuɛ
Asa ekun’n, é wá wún i kɛ e Yifuɛ’n kpaman sran nun naan ɔ fɛ i ngwlɛlɛ’n man be kwlaa nga be kunndɛ kɛ ɔ fa man be’n.
^ ndɛ kpɔlɛ 2 Fluwa nga nun’n e kacili sran’m be dunman’n.
