Ifyo Mwingaba na Mano Ayengalenga Mwaba ne Nsansa
BA RANI * BATILE: “Nangu ca kuti ndaba no bulanda nga namona ifyabipa ifilecitika mu calo pamo nga inkondo, ubupiina, amalwele e lyo ne fyo abantu bacusha abana, naliba ne subilo lya kuti ifintu fikawama.”
Ba Rani balisambilile ukuti Kabumba, Lesa wa maka yonse, kuti alenga umuntu aba na mano yene yene, ne ci calilengele baba ne nsansa. Ilyo mulebelenga ifipande fili muli ino magazini mwalasambilila pa fyo ifyo Lesa atusambilisha fingamwafwa . . .
Ukuba ne nsansa mu lupwa
Ukulaumfwana bwino na bantu
Ukuba ne nsansa no kuteeka umutima ku fyo twakwata
Ukwishiba icalenga tulecula no kufwa
Ukukwata isubilo lya kuti nomba line Kabumba ali no kuwamya ifintu
Ukwishiba bwino Kabumba wesu no kuba ifibusa fyakwe
Mwalasambilila no kuti Kabumba wesu tapeela fye amano ku bantu bamo bamo, lelo alapeela fye uuli onse ulefwaya.
^ para. 2 Amashina ayali muli ino magazini te mashina yabo aya cine.
