Mafunde Akwasha Kwikala na Lusekelo mu Bwikalo
Ba RANI * baambile’mba: “Nangwa kya kuba kinkola bingi ku muchima kumona byatama mu ntanda nabiji makondo, buyanji, bikola ne kuyanjisha baana, nayuka’mba bintu bikawama kulutwe.”
Ba Rani byo bafunjile’mba Mulenga wetu aye Lesa wa Bulume Bonse witupa maana a kine, kibakwashishe kwikala na lusekelo mu bwikalo bwabo. Byo musakutanganga mitwe ikwabo mu uno Labainga, monai bintu bitufunjisha Lesa byo byafwainwa kwimukwasha . . .
kwikala bulongo mu kisemi
kwikala bulongo na bantu
kwikala na lusekelo ne kusekela na bintu byonka byo muji nabyo
kuyuka ene mambo o tubena kuyanjila ne kufwa
kushiinwa’mba katatakatu Lesa afumyepo buyanji bonse ne kwitulengela kwikala bwikalo bwawama
kuyuka Mulenga wetu ne kwikala mulunda nanji
Kabiji musakufunda kuba’mba mafunde apana Mulenga wetu kechi akwashatu bantu bamo ne, bino akwasha bantu bonse beengijisha mu bwikalo bwabo.
^ jifu. 2 Mazhina mu uno Labainga! beapimpula.
