Mangana Nawatukafwa Tupwenga Vakuwahilila
RANI * ambile ngwenyi: “Numba tuhu ngweji kwivwanga kupihya havyuma vyavipi vinakusoloka mukaye, jijita, uhutu, misongo nakuyanjisa vanyike, oloze ngwatalilila vyuma vyamwaza.”
Rani awanyine kuwahilila chamwenemwene omu alinangwile hali Tengi yetu, Kalunga wangolo josena, uze eji kuhananga mangana amwenemwene. Omu namutanga vihande vinakavangizaho, namumona omwo kunangula chenyi chinahase kumikafwa . . .
mupwenga vakuwahilila mutanga
mutwamenga navakwenu mukuunda
musuuluke navyuma muli navyo
mutachikize ovyo vyalingisa kupwenga kuyanda nakufwa
mutalilile vyuma vyamwaza kulutwe
mutachikize Tengi yetu nakupandama chikuma kuli ikiye
Namutachikiza nawa ngwenu, Tengi yetu kahana mangana kuvatu vavandende kahako, oloze eji kuwahananga kuli vatu vosena vaze navawatonda.
^ par. 2 Majina ali muno mumangazini vanawalumuna.
