Konsèy saj pou n gen kè kontan ak satisfaksyon
Kit nou selibatè oswa nou marye, kit nou jèn oswa nou granmoun, nou tout ta renmen gen kè kontan ak satisfaksyon. Kreyatè nou an vle nou santi nou konsa tou, se pou sa li ban nou bonjan konsèy.
Travay di
“Se pou l travay di pito, pou l fè bon travay ak men l, dekwa pou l ka gen kichòy pou l pataje ak moun ki nan nesesite.” — EFEZYEN 4:28.
Kreyatè nou an ankouraje nou pou nou gen yon pwennvi pozitif sou travay. Poukisa? Yon moun ki travay di gen kè kontan paske li ka pran swen tèt li ak fanmi l. Li ka menm ede lòt moun ki nan bezwen. Patwon l ap onore l tou. Kidonk, yon moun ki travay di ap pi fasil pou l kenbe travay li. Labib dekri bon rezilta yon moun jwenn lè l travay di tankou “kado Bondye bay.” — Eklezyas 3:13.
Se pou nou onèt
“Nou gen konviksyon konsyans nou klè, piske nou vle konpòte nou yon fason ki dwat nan tout bagay.” — EBRE 13:18.
Lè nou onèt, nou gen respè tèt nou, lespri nou anpè e nou dòmi pi byen lannuit. Anplis de sa, lòt moun ap fè nou konfyans e y ap respekte nou. Moun ki pa onèt pa jwenn bon bagay sa yo. Epitou konsyans yo ap kale yo, e li ka menm fè yo viv nan laperèz pou yon jou yo pa kenbe yo poutèt aksyon malonèt yo fè yo.
Se pou n gen yon pwennvi ekilibre sou lajan
“Se pou fason n ap viv pa gen lanmou pou lajan ladan l. Kontante nou ak sa nou genyen.” — EBRE 13:5.
Nou bezwen lajan pou n achte manje ak lòt bagay nou bezwen. Sepandan, lanmou pou lajan se yon bagay ki vrèman danjere. Li ka lakòz yon moun pase pifò tan l ak enèji l nan chèche fè plis lajan. Yon moun k ap chèche lajan konsa ka lakòz pwoblèm nan maryaj li, epi fè l pa gen ase tan pou l pase ak pitit li e li ka menm fè l pèdi sante l (1 Timote 6:9, 10). Anplis de sa, yon moun ki renmen lajan ka tonbe nan tantasyon pou l vin pa onèt. Men sa yon mesye ki te gen anpil sajès te di: “Yon moun ki fidèl ap jwenn anpil benediksyon, men, yon moun k ap kouri dèyè richès pap ret inosan.” — Pwovèb 28:20.
Chwazi pi bon edikasyon an
“Toujou bat pou w gen sajès e pou w aprann reflechi.” — PWOVÈB 3:21.
Yon bon edikasyon ede n pou n vin moun ki responsab e pou n vin bon paran. Men, gwo edikasyon poukont li pa sifi pou n jwenn sekirite ak kè kontan pou toutan. Pou nou reyisi toutbon nan tout aspè nan lavi nou, nou bezwen edikasyon Bondye bay la. Men sa Bib la di konsènan moun ki koute Bondye: “L ap reyisi nan tout sa l fè.” — Sòm 1:1-3.
Lòt sijè ki enteresan
TOUDEGAD
Fason pou w renmen travay di
Egzamine kèk fason Bib la ban nou konsèy ki itil k ap ede n gen lajwa ak satisfaksyon nan travay nou.
REVEYE N!
Èske w gen twòp bagay pou w fè?
Anpil moun twouve l difisil pou yo satisfè travay yo ak fanmi yo anmenmtan. Ki sa k lakòz sa? Ki sa n ka fè pou n ranje sitiyasyon an?
REVEYE N!
Wout k ap ede w jwenn kè kontan an: Kontante w ak renmen bay
Anpil moun panse yo reyisi lè yo gen anpil byen materyèl ak anpil kòb. Men èske lajan ak bagay nou posede ka fè nou jwenn kè kontan k ap dire toutan an? Ki sa reyalite a montre?
KÈK ANSÈYMAN BIBLIK KI ENPÒTAN ANPIL
Poukisa nou egziste?
Gade ki jan w ka gen yon vi ki gen sans toutbon e w ka jwenn bonjan kè kontan.
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
