Inama zadufasha kugira ibyishimo no kunyurwa
Abantu bose, baba abato n’abakuru, abashatse n’abatarashaka, bifuza kubaho bishimye kandi banyuzwe. Umuremyi wacu na we ni byo atwifuriza. Ni yo mpamvu yatugiriye inama nziza cyane.
Jya ukorana umwete
Umuntu ajye ‘akorana umwete akoreshe amaboko ye umurimo mwiza, kugira ngo abone icyo aha abafite icyo bakennye.’—ABEFESO 4:28.
Umuremyi wacu adushishikariza kwishimira akazi dukora. Impamvu abidushishikariza, ni uko umuntu ukorana umwete agira ibyishimo. Ibyo byishimo biterwa n’uko abona ibyo akeneye kandi agatunga umuryango we. Nanone bishobora gutuma afasha abandi, umukoresha we akamukunda kandi akaramba ku kazi. Ibyanditswe Byera bigaragaza ko gukorana umwete ari “impano y’Imana.”—Umubwiriza 3:13.
Jya uba inyangamugayo
“Twiringiye ko dufite umutimanama uzira uburiganya, kandi twifuza kuba inyangamugayo muri byose.”—ABAHEBURAYO 13:18.
Kuba inyangamugayo bituma twiyubaha, tukagira amahoro kandi tugasinzira neza. Nanone bituma abandi batugirira icyizere kandi bakatwubaha. Abantu batari inyangamugayo bo ntibabona ibyo bintu byiza. Nanone umutimanama wabo ushobora kubabuza amahwemo kandi bagahorana ubwoba kuko baba bikanga ko ibibi bakoze bizajya ahagaragara.
Irinde gutwarwa n’amafaranga
“Imibereho yanyu ntikarangwe no gukunda amafaranga, ahubwo mujye munyurwa n’ibyo mufite.”—ABAHEBURAYO 13:5.
Dukenera amafaranga yo kugura ibyokurya n’ibindi bintu. Ariko “gukunda amafaranga” ni bibi cyane. Bishobora gutuma umuntu akoresha igihe kinini n’imbaraga ze zose kugira ngo agire amafaranga menshi. Kwiruka inyuma y’amafaranga bishobora gusenya umuryango, bigatuma umuntu abura umwanya wo kwita ku bana be ndetse bikaba byamutera uburwayi (1 Timoteyo 6:9, 10). Nanone gukunda amafaranga bishobora gutuma umuntu ahemuka. Hari umugabo w’umunyabwenge wanditse ati “umuntu w’indahemuka azabona imigisha myinshi, ariko uwihutira kuronka ubutunzi ntazakomeza kuba umwere.”—Imigani 28:20.
Jya ushaka ubwenge nyakuri
“Rinda ubwenge bwawe n’ubushobozi bwo kwiyumvisha ibintu.”—IMIGANI 3:21.
Kwiga neza bituma dukora neza ibyo dushinzwe kandi tugasohoza neza inshingano z’ababyeyi. Ariko kwiga amashuri menshi, si byo byonyine bituma tugira ibyishimo cyangwa ngo tubone ibyo twifuza byose. Kugira ngo ibyo dukora byose bizagende neza, dukeneye ubwenge buturuka ku Mana. Ibyanditswe Byera bivuga ko umuntu wumvira Imana “ibyo akora byose bizagenda neza.”—Zaburi 1:1-3.
Ibindi wamenya
UMUNARA W’UMURINZI
Uko washimishwa n’akazi ukorana umwete
Dore inama Bibiliya itanga zihuje n’igihe zatuma turushaho kwishimira akazi.
NIMUKANGUKE!
Ese ukora ibirenze ubushobozi bwawe?
Abantu benshi baheranwa n’akazi bakabura umwanya wo kwita ku miryango yabo. Ibyo biterwa n’iki? Icyo kibazo cyakemuka gite?
NIMUKANGUKE!
Uko wabona ibyishimo—Kunyurwa no kugira ubuntu
Abantu bakunda kuvuga ko ibyishimo no kugira icyo ugeraho bipimirwa ku byo umuntu atunze. Ese amafaranga n’ubutunzi bituma umuntu agira ibyishimo nyakuri?
NIMUKANGUKE!
Ibanga ryo kugira ibyishimo
Ese koko inama zirangwa n’ubwenge zo muri Bibiliya, zatuma umuntu agira ibyishimo? Iyi ngingo irasuzuma amahame ane yatuma tubigeraho.
INYIGISHO Z’IBANZE ZO MURI BIBILIYA
Intego y’ubuzima ni iyihe?
Menya icyagufasha kugira ibyishimo n’intego mu buzima.
ABO TURI BO
Saba gusurwa
Muzaganira ku bibazo bishingiye kuri Bibiliya cyangwa ku byerekeye Abahamya ba Yehova
