Konxe nos Kriador ta djuda-u bira se amigu
Nos Kriador é ka sô un forsa. El ten bons kualidadi, i el krê pa kada un di nos prende sobri el i ser se amigu. (João 17:3; Tiago 4:8) É pur isu ki el fla-nu txeu kuza sobri el.
Nos Kriador ten un nómi
‘Pa pesoas sabe ma bo, ki txoma Jeová, sô bo é kel Más Grandi riba Téra interu.’ — SALMO 83:18.
Bíblia ta fla ma nómi di úniku Deus verdaderu é Jeová. É el ki kria Séu ku Téra i tudu kuza ki ten vida. É sô el ki nu debe adora. — Apocalipse 4:11.
Jeová é un Deus di amor
‘Deus é amor.’ — 1 JOÃO 4:8.
Jeová uza Bíblia i kuzas ki el kria pa inxina-nu ki tipu di algen el é. Se kualidadi prinsipal é amor. Tudu kuza ki el ta faze é pamodi amor. Kantu más nu prende sobri Jeová, más nu ta ama-l.
Jeová é un Deus ki ta púrdua
‘Bo é un Deus ki sta sénpri prontu pa purdua’. — NEEMIAS 9:17.
Jeová sabe ma nos é inperfetu. Pur isu, el sta prontu pa purdua-nu. Óras ki nu fla-l ma nu rapende i nu sforsa pa para di faze kes kuza mariadu, el ta purdua-nu. — Salmo 103:12, 13.
Jeová krê obi nos orason
‘Jeová sta pértu di tudu kes ki ta pâpia di el. El ta obi-s óras ki es pidi ajuda’. — SALMO 145:18, 19.
Nu ka meste sigi ninhun ritual, nen uza imaji ô otus kuza pa adora Jeová. Sima un bon pai ku mai ta presta atenson óras ki ses fidjus ta pâpia ku es, Jeová tanbê gosta di obi-nu óras ki nu ta faze orason.
Bu pode gosta di kes-li tanbê
RESPÓSTAS PA PERGUNTAS DI BÍBLIA
Ken ki é Jeová?
Jeová é Deus sô di un grupu di algen, sima israelitas?
