In qo ok laqʼeʼ ttxlaj Dios aj tel qnikʼ tiʼj
Nya oʼkx at tipumal Dios, sino ax ikx ateʼ tbʼanel tmod. Tuʼnju taj tuʼn tel qnikʼ tiʼj ex tuʼn tok te qamiw, in nonin qiʼj tuʼn tok qojtzqiʼn te (Juan 17:3; Santiago 4:8).
At tbʼi Dios
«Aqine Jehová porke atzun nbʼiye, ex mlay waqʼe ambʼil tuʼn tjaw nimsaʼn tbʼi juntl ex tuʼn kyok ten kʼulul kywitz qe tilbʼilal te nxele» (ISAÍAS 42:8).
In tzaj tqʼamaʼn Biblia qa oʼkx Jehová aju Dios axix tok ex qa a kubʼ bʼinchante tkyaqil. Tuʼntzunju, oʼkx te at toklen tuʼn qkʼulin te (Apocalipsis 4:11).
At tkʼujlabʼil Jehová
«Ate Dios at tkʼujlalil» (1 JUAN 4:8).
In najbʼen Biblia ex qe tiʼchaq o che bʼant tuʼn Jehová tuʼntzun ttzaj tyekʼin qe tmod qe. Aju tmod mas nim toklen, aju kʼujlabʼil. Tkyaqilju in bʼant tuʼn, in xi tbʼinchaʼn tuʼn kʼujlabʼil. Aj tchʼiy qojtzqibʼil tiʼj Jehová, mas kʼokel qkʼujlaʼn.
In kubʼ tnajsaʼn Jehová qil
«Aya jun Dios in kubʼ tnajsaʼna kyil xjal» (NEHEMÍAS 9:17).
Ojtzqiʼn tuʼn Dios qa aj il qoʼ, tuʼntzunju in kubʼ tnajsaʼn qil. Qa ma txi qqanin najsam te ex qa ma tzʼok tilil quʼn tuʼn tkyaj qtzaqpiʼn aju nya bʼaʼn in nela toj twitz, kbʼel tnajsaʼn qil ex mlay kubʼ tqʼoʼn qkastiw (Salmo 103:12, 13).
Taj Jehová tuʼn qnaʼn Dios te
«Niqayin taʼ Qman kyiʼj qeju in che kubʼsan twitz, [...] ex ok t-xi kyqanin onbʼil te in che tzaj tbʼiʼn» (SALMO 145:18, 19).
Nya taj Jehová tuʼn tbʼant nim tiʼchaq quʼn aj qnaʼn Dios te nix tuʼn kyajbʼen qe sant quʼn. In nok tqʼoʼn twiʼ kyiʼj qnaʼj Dios ik tzeʼn in bʼant tuʼn jun tbʼanel mambʼaj aj in che yolin tkʼwal tukʼil.
Bʼalo ax ikx tgana jlu
QE XJEL TIʼJ TYOL DIOS
¿Alkye Jehová?
¿In nokpe Jehová te Tdios jun kʼloj xjal ik tzeʼn kye aj Israel toj ambʼil ojtxe?
