Aprende kona-ba Maromak no sai ninia belun
Ita-nia Kriadór laʼós deʼit iha forsa, maibé iha mós hahalok furak oioin. No nia hakarak ita atu aprende kona-ba nia no hakbesik ba nia. (João 17:3; Tiago 4:8) Tan neʼe mak nia fó sai buat barak kona-ba ninia an.
Ita-nia Kriadór iha naran rasik
“Halo ema hotu hatene katak Ita neʼebé naran Jeová, Ita mesak deʼit mak Maromak neʼebé Aas Liu Hotu iha mundu tomak.”—SALMO 83:18.
Bíblia hanorin katak Jeová mak Maromak loos mesak ida deʼit. No nia mak Kriadór ba universu no moris hotu. Nia deʼit mak merese ita adora.—Apokalipse 4:11.
Jeová mak Maromak domin
“Maromak mak domin.”—1 JOÃO 4:8.
Maromak Jeová hanorin ita kona-ba ninia hahalok sira liuhusi Bíblia no buat neʼebé nia kria. Domin mak ninia hahalok importante tebes. Domin mak motiva Maromak atu halo buat hotu. Kuandu ita aprende liután kona-ba Jeová, ita-nia domin ba nia mós sei aumenta liután.
Jeová mak Maromak neʼebé prontu atu fó perdua
“Ita mak Maromak neʼebé prontu atu fó perdua.”—NEEMIAS 9:17.
Jeová hatene ita la perfeitu. Tan neʼe, nia “prontu atu fó perdua” mai ita. Kuandu ita dehan ba nia katak ita sente sala no hakaʼas an atu la halo tan sala neʼe, nia sei fó perdua ba ita no la hanoin tan ita-nia sala uluk nian.—Salmo 103:12, 13.
Jeová hakarak ita halo orasaun ba nia
“Jeová besik ba ema hotu neʼebé bolu nia . . . Nia rona sira-nia halerik atu husu ajuda.”—SALMO 145:18, 19.
Jeová la husu ita atu halo serimónia espesiál ka uza imajen ka sasán ruma atu adora nia. Jeová rona ba ita-nia orasaun hanesan inan-aman neʼebé rona ba sira-nia oan ho domin.
Karik Ita sei gosta
PERGUNTA KONA-BA BÍBLIA
Maromak mak kbiit ida neʼebé la iha sentimentu ka lae?
Bíblia dehan katak Maromak kria buat hotu, maibé nia hanoin ita ka lae?
PERGUNTA KONA-BA BÍBLIA
Maromak sei perdua haʼu ka lae?
Haree toʼok saida mak Bíblia hanorin kona-ba hakat sira atu Maromak perdua ita.
