Ñandejára nepytyvõse nearandu hag̃ua ha ideprovécho hag̃ua ndéve upéva

“Che hína [...] Jehová. Umi mbaʼe che romboʼéva ningo ideprovéchota ndéve, che rogia reho hag̃ua tape porãre. Aipotaite ningo rejapo umi mbaʼe amandáva ndéve. Upéicharõ, nde pyʼaguapy ojoguáta peteĩ rríope, ha nde hustísia ojoguáta umi oláda marpeguápe” (ISAÍAS 48:17, 18).

Ko téxto heʼíva ningo ojogua peteĩ invitasión Ñandejára ojapóvape ndéve g̃uarãite. Haʼe oipota reiko pyʼaguapýpe ha vyʼápe pára siémpre, ha ikatu voi nepytyvõ upearã.

Ñandejára ikatu ndegia nearandu hag̃ua

“Umi notísia porã ojepredika raẽ vaʼerã opa tetãrupi” (MARCOS 13:10).

Koʼã “notísia porã” apytépe oĩ avei umi promésa Jehová ojapo vaʼekue. Por ehémplo ndaiporimoʼãveimaha osufríva, oikotaha ko yvýgui peteĩ paraíso, ha omoingove jeytaha umi jahayhúva omano vaʼekuépe. Ko múndo tuichakuére umi testígo de Jehová omombeʼu hína pe mensáhe oĩva la Bíbliape.