Ka Kitea e Koe te Pakari
“Te au tuatua tapu katoa i tataia ra, e mea akauruia mai e te Atua.” (2 Timoteo 3:16) Te aiteanga o te tuatua “e mea akauruia mai” i roto i teia irava, koia oki na te Atua Mana Katoatoa i tuku i tona au manako ki te aronga tata Pipiria.
Te Pati Maira te Atua ia Koe Kia Puapingaia Mei Tona Pakari
“Ko au toou Atua ra ko Iehova, ko tei akakite ia koe i te mea e puapingaʼi koe na; ko tei arataki ia koe na te arataa e tau ei kia aere koe ra. Angairi koe i akarongo mai ki te au akauenga naku! kua riro ïa toou au mei te vai taʼe ra; e taau tuatua-tika mei te ngaru moana ra.”—ISAIA 48:17, 18.
Ka akamanako ana i teia irava ei patianga no ko mai i te Atua kia koe. Ka inangaro aia ia koe kia rauka te ngakau ‘au e te mataora mou, e ka tauturu aia ia koe kia akatupu i te reira.
Ka Rauka ua te Pakari o te Atua
“E na mua ra te evangelia nei i te akakiteia atu i to te pa enua ravarai e tikaʼi.”—MAREKO 13:10.
Kapiti mai ki “te evangelia” ta Iehova au taputou no te akakore i te mamae, te akariro i te enua ei parataito e te akatuakaou mai i to tatou au akaperepere tei mate. Te tutu aere ra te Au Kite o Iehova i teia karere Pipiria takapini i teianei ao.
Ka Reka Katoa Koe i Teia
TE PUNANGA TIAKI
Te Pipiria—Te Tumu ïa o te Tuatua Mou
Ka rauka ia koe i te irinaki i ta te Pipiria e akakite ra e mea mou ïa.
