Mungasaniya Zeru
“Malemba ngosi ngakukambirika ndi Chiuta.” (2 Timote 3:16) Mazu ngakuti “ngakukambirika” pa vesi ili, ngang’anamuwa kuti Chiuta Wanthazizosi wanguŵika maŵanaŵanu ngaki mu ŵanthu wo angulemba Bayibolu.
Chiuta Watikupemphani Kuti Muyanduwi ndi Zeru Zaki
‘Ini Yehova, ndini nditikusambiza kuti vinthu vikuyende umampha, Yo watikulongozga munthowa yo utenere kwendamu. Vingaŵa umampha asani ungavwiya marangu ngangu! Mbwenu chimangu chaku chazamuja nge msinji ndipu urunji waku wazamuja nge mayiŵa nga munyanja.’—YESAYA 48:17, 18.
Mazu ngenanga mungavwengi nge Chiuta wakambiya yimwi. Iyu wakhumba kuti muje ndi chimangu chamumtima kweniso likondwa lambula kumala ndipu wangakuwovyani kuti venivi vikuchitikiyeni.
Zeru Zaku Chiuta Mungazisaniya Mwambula Kusuzga
“Uthenga wamampha utenere kupharazgika dankha ku mitundu yosi.”—MARIKO 13:10.
“Uthenga wamampha” usazgapu vinthu vo Yehova wakulayizga nge kutuzgapu masuzgu, kusambusa charu kuja paradayisu kweniso kuyuska abali ŵidu wo akufwa. Akaboni aku Yehova apharazga uthenga wa mu Bayibolu pacharu chosi chapasi.
Mungayanja Kuŵerenga so Nkhani Izi
CHIGONGWI CHA MLINDA
Bayibolu ndi Buku la Uneneska
Mungagomezga kuti vo Bayibolu likamba vauneneska nadi.
