Jeʼel u páajtal u yantaltech le naʼat ku taal tiʼ Diosoʼ
«Tuláakal Tsʼíibeʼ tiʼ Dios u taal» (2 Timoteo 3:16). Lelaʼ u kʼáat u yaʼaleʼ le baʼaxoʼob tsʼíibtaʼab teʼ Biblia tumen le máakoʼoboʼ Dios tsʼáa tu tuukuloʼob.
Dioseʼ u kʼáat ka yanaktech le naʼat ku tsʼáaikoʼ
«Teneʼ Jéeobaen, [...] teen le máax kaʼansikech utiaʼal u bintech utsiloʼ, teen le máax nuʼuktikech teʼ bej tuʼux unaj a binoʼ. ¡Bukaʼaj maʼalobil wa ka a beet u cuentail le baʼaloʼob kin waʼalikoʼ! Beyoʼ le jeetsʼelil yaantechoʼ yaan u pʼáatal jeʼex junpʼéel ríoeʼ yéetel a justiciaeʼ yaan u pʼáatal jeʼex u olasil le kʼáaʼnáaboʼ» (ISAÍAS 48:17, 18).
Le tʼaanoʼob ku chíikpajal teʼ tekstoaʼ junpʼéel invitación táan u beetiktech Dios. Letiʼeʼ u kʼáat ka yanaktech kiʼimak óolal yéetel ka yanaktech jeetsʼelil. Tsʼoʼoleʼ Dioseʼ jeʼel u yáantkech utiaʼal ka yanaktech le baʼaloʼobaʼ.
Jeʼel u páajtal u yantaltech le naʼat ku tsʼáaik Diosoʼ
«Unaj u tsikbaltaʼal tiʼ tuláakal le kaajoʼob le baʼaloʼob maʼalobtak ken u beet Diosoʼ» (MARCOS 13:10).
Le baʼaloʼob maʼalobtak ken u beet Diosoʼ letiʼe u xuʼulsik tiʼ tuláakal le baʼaloʼob beetik k-sufriroʼ, u sutik Paraísoil le Luʼumaʼ yéetel u kaʼa kuxkíintik le máaxoʼob k-yaabiltmaj jeʼex k-láakʼtsiloʼob yéetel k-amigoʼoboʼ. U testigoʼob Jéeobaeʼ táan u tsikbaltikoʼob u tʼaan Dios tiʼ tuláakal yóokʼol kaab.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
Chéen le Biblia kaʼansik u jaajiloʼ
Jeʼel u béeytal a confiar tiʼ baʼax ku yaʼalik le Bibliaoʼ.
