Unsay Epekto sa Teknolohiya sa Imong Pagpakighigala?
Tungod sa texting, email, videoconferencing, ug social media, ang duha ka tawo dali rang makakomunikar bisag magkalahi silag nasod. Para nila, dako kaayog tabang ang teknolohiya.
Pero, ang uban nga halos nagdepende na lang sa teknolohiya aron padayong makakomunikar sa ilang mga higala dunay tendensiya nga . . .
-
dili na kaayo magpakitag empatiya sa ilang mga higala.
-
mahimong mas masulub-on.
-
mas magpokus sa kaugalingon kay sa uban.
ANG ANGAY NIMONG MAHIBALOAN
EMPATIYA
Aron makapakitag empatiya, o masabtan ang pagbati sa uban, kinahanglan tang mogahin ug panahon nga maghunahuna bahin nila. Pero lisod ni himoon kon busy kaayo ta sa social media ug sa pag-text.
Sa ngadtongadto, kon daghan na kaayo kag message, morag hagoan na kang mo-reply sa imong mga higala. Ang imo nang hunahunaon mao ang paglimpiyo sa imong inbox imbes tabangan ang imong higala nga nanginahanglan.
HUNAHUNAA KINI: Unsay imong himoon aron padayon kang makapakitag “empatiya” dihang mogamit kag teknolohiya sa pagpakigkomunikar sa imong mga higala?—1 PEDRO 3:8, FOOTNOTE.
KASUBO
Sumala sa usa ka research, daghan ang nagmasulub-on human sa ilang pag-browse sa social media. Ang mga researcher miingon nga ang pagtan-awg mga picture ug update sa uban mahimong makapabati sa usa ka tawo nga “nausik ang iyang oras.”
Dugang pa, dihang ang mga tawo motan-aw ug makalingaw nga mga picture nga gi-post sa uban, usahay ikompara nila ang ilang kinabuhi sa uban. Mobati sila nga morag enjoy kaayo ang uban, samtang sila laay kaayog kinabuhi.
HUNAHUNAA KINI: Dihang mogamit kag social media, unsay imong himoon aron dili nimo ikompara ang imong kaugalingon sa uban?—GALACIA 6:4.
POKUS SA KAUGALINGON
Namatikdan sa usa ka titser nga ang uban niyang estudyante nagpokus lang sa mga benepisyo nga ilang makuha sa ilang mga higala, ug maghunahuna, “Kinsay makatabang nako?” * Ang ingon niana nga panaghigalaay nagpokus lang sa kaugalingon. Mahimong isipon sa usa nga ang iyang mga higala samag mga app sa gadyet, nga gamiton ra kon kinahanglan.
HUNAHUNAA KINI: Ang imo bang gina-post online nagpakita nga naa kay tendensiya nga makigkompetensiya o napokus ra kaayo ka sa imong kaugalingon?—GALACIA 5:26.
ANG IMONG MAHIMO
SUSIHA ANG IMONG PAGGAMIT SA TEKNOLOHIYA
Kon kontrolado nimo ang imong paggamit sa teknolohiya, makatabang ni nimo nga makakomunikar sa imong mga higala ug mas masuod kanila.
PRINSIPYO SA BIBLIYA: “Ang gugma . . . dili mangita sa kaugalingong kaayohan.”—1 CORINTO 13:4, 5.
I-check ang mga sugyot nga gusto nimong himoon, o isulat ang imong mga ideya.
-
Aktuwal nga makig-estorya (imbes mag-text lang o mag-email)
-
Ipadaplin (o i-silent) ang cellphone dihang makig-estorya sa uban
-
Menosi ang panahon sa pag-browse sa social media
-
Mahimong mas maayong tigpaminaw
-
Kontaka ang imong higala nga naa sa lisod nga kahimtang
^ par. 17 Gikan sa librong Reclaiming Conversation.
Basin Ganahan Pod Ka
PAGMATA!
Unsa ang Tinuod nga Higala?
Ang kadaghanan nagtuo nga importante nga dunay tinuod nga mga higala. Unsay imong himoon aron mahimo kang tinuod nga higala sa uban? Gihisgotan niining artikuloha ang upat ka gabayan nga mga prinsipyo nga makita diha sa Bibliya.
MGA BATAN-ON NANGUTANA
Unsay Akong Hinumdoman Bahin sa Pag-post ug Picture Online?
Ang pag-post ug picture makatabang aron konektado ka sa mga amigog amiga ug pamilya, pero naa ni kapeligrohan.
PAGMATA!
Maayong Pamatasan sa Paggamit ug Cellphone
Bastos bang mohunong ka sa pagpakig-estorya aron lang magbasa ug text? O pagpakita bag maayong pamatasan kon dili ka magtagad sa text aron lang makapadayon ug estorya?
