Joperu, kʼuiripuecha engaksï sánderu selularini úrajka para uandontskuarheni amigu jémbeecha jingoni, uaatiksï arini ambe úkuarhinchani:

• No xáni kurhangukuani amigu jémbeechani.

• Jandiajkuksï pʼikuarherani ka eskaksï kueratanchasïnga ambe ma.

• Sánderu jandiajku pendienti pákuarhini ka eska máteruecha jimbo.

KURHANGUTSPINI

Para úni kurhangutspini, uétarhisïndi eskachi eratsentaaka na enga pʼikuarherajka máteru kʼuiripu. Peruchi no uaaka ini ambe úni engachi sánderu arhiska mensajichani axatspiani ka publikasionichani arhiantani engaksï redesi sosialicharhu jaka.

Tiempu jingoni, engajtsï sánderu úraska selularini, niáraakajtsï xáni uánikua mensajichani jatsiani engajtsï nóteru jamberi uaakia chaari amiguechani mókukuantani ka jamberijtsï nóteru kuenta íntskukuarheni eska chaari amigu ma uétarhinchaxaka eskajtsï jarhuataaka.

ERATSI JE ARINI AMBE: Engajtsï axakuauaka mensaji ambe chaari amiguechani, ¿nénajtsï uaa xarhatakuani eskajtsï kurhangukuasïnga? (1 PEDRU 3:8).

JANDIAJKU PʼIKUARHERANI

Inbestigadorichaksï exespti eskaksï uánikua kʼuiripuecha no sési pʼikuarheraspka ísï tátsekua engaksï na úrapkia redesi sosialini ma enga kánikua mítekateka. Inbestigadorichaksï uandaspti eska exeani fotuechani ka arhintani ambe engaksï máteru kʼuiripuecha újka, “úsïn[ga] eskachi jucha ísï pʼikuarheraaka eskachi no jukaparhakua ambe úxaka”.

Engachi exeajka fotuechani engaksï xarhatajka na engaksï xáni sési nitamakuarhijka máteruecha, astachi úpiringa terukukuarhintani imeecha jingoni ka eratseni eskachi no ísï tsípikuarhisïnga eska imeecha.

ERATSI JE ARINI AMBE: ¿Ambeksïni jarhuataa parajtsï no jámani terukukuarhintani máteruecha jingoni engajtsï redesi sosialicharhu inchaaka? (GALASIA 6:4).

JANDIAJKU PENDIENTI PÁKUARHINI

Maestra ma uandaspti eskaksï máru imeeri estudianticha, imeecha jingontkuksï kúnguarhisïnga engaksï újka ambe ma imeechani jimbo ka engaksï kuájpiajka. * I járhati kʼuiripuechaksï imani ambejkuksïsï jirinhajti ambe engaksï máteruecha uaaka íntsaani imeechani. Ísï jimbo, nema úpirindi ueenani ísï exeani amiguechani komueska selulari ma, enga uaaka úrani na enga jatini ima uékaaka.

ERATSI JE ARINI AMBE: Ambe engajtsï karhatajka internetirhu, ¿xarhatasïni eskajtsï tsitisïnga máteruecha jingoni andaperani ka chájkumindu pendienti pákuarhini? (GALASIA 5:26).

ERATSI JE NA ENGAJTSÏ ÚRAJKA SELULARINI

Engajtsï sési úraska selularini, jarhuataatiksïni parajtsï uandontskuarheni chaari amiguecha jingoni ka parajtsï jamberi sánderu sési pájperani imeecha jingoni.

Markari je náki konsejuntsï uékapirini úni o kara je ambe engajtsï uékapiringa úni:

• Jánguarhintani meru kʼuiripu jingoni uandontskuarheni enbesi de mensajichani axakuani selulari jimbo o korreu elektroniku jimbo.

• Engani máteru nema jingoni uandontskuarheni jauaka, máekandu peeraaka telefonuni o jima peerakuni paraka no kúskaaka.

• Nóteru xáni tiempu úrani redesi sosialicharhu.

• Jorhenguarhini máteruechani kurhajchaani.

• Uandajpani amiguni ma enga no sési nitamakuarhini jaka.